「摩納哥為何喺兩年之間從天堂跌到地獄」 精選

摩納哥自獲得大財主入資後，喺2013年成功升上法甲。喺法甲嘅第一季就簽下多名大牌球員，比如話Abidal，James Rodriguez，Falcao，Moutinho等等，並成功喺法甲取得第二名。 16/17賽季摩納哥（AS Monaco）喺足球界引起騷動。摩納哥喺葡萄牙籍領隊渣甸（Leonardo Jardim）執教下成功打斷巴黎聖日門（PSG）的法甲獨霸地位，一舉奪下法甲冠軍。除咗本地聯賽表現出色，摩納哥喺歐聯亦成功打入四強，其中小組賽兩次擊敗熱刺，十六強打退曼城仲有八強戰勝多蒙特。16/17賽季可以話係財主投入大筆錢後，摩納哥首次取得大成功。16/17的成功歷歷在目，但是近兩季摩納哥表現差強人意，上季更為護級而戰！好多人認為摩納哥當時嘅崛起終於會為法甲帶來失去多年的競爭性，然而摩納哥喺17/18賽季失去了多名16/17賽季嘅核心球員，當中就有當紅炸子雞Kylian Mbappe，Bernardo Silva同Benjamin Mendy亦一起加盟哥帥嘅曼城。17/18賽季摩納哥依然能取得第二名，但是佢哋竟然冇吸取教訓，繼續售出核心球員。上季離隊嘅就有Fabinho同Thomas Lemar，而佢哋嘅離開對摩納哥造成的影響再明顯不過了，摩納哥上季最後排名十七。摩納哥一次又一次將核心球員售出，據悉係因為球隊老闆同老婆離婚並需要大筆離婚費，因而導致老闆售賣球員嚟填呢筆數！或許老闆係抱著“當初喺我入資先有成績，依家我要攞返應得嘅”心態，不過這並唔係摩納哥近兩季墮落唯一的原因。球隊賣出核心球員後確實有買入球員代替佢哋嘅位置，不過摩納哥嘅轉會策略就不如以前有效。以往摩納哥更多係喺一些比較小嘅聯賽挖掘出色球員，又或者會從比較小的球隊引入一些潛質甚高的球員。其中Bernardo，Bakayoko，Fabinho，Mendy都係以呢種策略引入嘅，而效果亦非常亮眼。17/18賽季摩納哥看似依然有保持呢種轉會策略，但18/19賽季視乎遺忘了讓佢哋成功的轉會策略般。18/19賽季摩納哥鉔重金簽下喺世界杯一鳴驚人的俄羅斯中場Aleksandr Golovin，本以為撿到便宜點知Golovin並未能打出世界杯時嘅表現，相信依家唔少球迷都唔記得佢了。摩納哥亦喺上季冬窗簽下Fabregas，但其實Fabregas當時喺車路士根本不再受重用。摩納哥亦從西布朗簽下Nacer Chadli，這絕對係個非常奇怪的轉會。摩納哥一次又一次簽下一些平庸或被其他球會唾棄的球員，當初高效的轉會方向去咗邊？好彩今季摩納哥簽入的Ben Yedder同Slimani表現出色，為已經33歲的Falcao分擔進攻端嘅壓力，其中Ben Yedder更領先法甲射手榜。除咗球員方面，摩納哥喺教練方面亦處理不當。上季摩納哥排名十八時狠心與功臣領隊渣甸結束合作，隨後聘請阿仙奴傳奇球員Henry執教。季中時作出如此大嘅賭博並冇為摩納哥帶嚟回報，Henry喺執教二十場比賽後只取得四勝，摩納哥排名十九。最後摩納哥解僱Henry，而上任嘅竟然喺前領隊渣甸。摩納哥如此的操作相當讓人費解，若一開始認為渣甸無能力扭轉局勢為何又再次雇用佢？雖然渣甸成功幫摩納哥護級，今季目前亦排名第九，不過如果摩納哥喺解僱Henry後雇用另一名領隊是否會更適合？睇下摩連奴依家喺熱刺嘅成績，新領隊為球員帶嚟新嘅戰術，新嘅訓練方案，為球會注入新氣。或許渣甸能用成績打臉小編的這番話吧！最後就喺摩納哥老闆冇為摩納哥球會扎下根。摩納哥一直以來都靠引援球員，視乎好少會見到摩納哥青年軍的消息，唯一一位打出成績嘅就係Mbappe。一間成功的大球會一定要有優良的青訓系統，然而摩納哥老闆更願意花錢買球員也唔投資喺球隊設施。其中摩納哥至今的球場只能容納少過二十千觀眾，對於一家曾經多次出戰歐聯還奪過聯賽冠軍的球隊嚟講，同其他大球會比較真係小巫見大巫！球隊若能栽培出更多年輕球員能更讓當地球迷感受到球會的親切感，就猶如利物浦有Alexander-Arnold，曼聯有Greenwood，曼城有Foden咁。摩納哥近幾季真係不如以前般風光，而好多球迷亦已經遺忘了摩納哥，可能呢就係足球的殘酷吧。希望摩納哥無論係喺渣甸或者其他領隊手下能儘快復蘇，再次為法甲帶嚟競爭性！


本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人https://www.facebook.com/FootballFamily627/