「慕遜加柏—德甲出其不意的領頭羊」

足球一家人 於 13/11/2019 發表 收藏文章
講起德甲爭冠行列,大家一定會諗起拜仁,多蒙特,甚至會諗起背後有紅牛大財主嘅RB Leipzig啦。但是你又會不會估到喺11輪賽事後暫居榜首嘅居然係慕遜加柏(Borussia Mönchengladbach)。慕遜加柏11戰取得8勝1和2負嘅成績,以25分領先排名第二嘅Leipzig四分。表現出色嘅慕遜加柏真係要歸功於領隊Marco Rose。德國人Rose喺夏天加盟慕遜加柏,接手一支上季喺Dieter Hecking手下取得第五嘅球隊。其實慕遜加柏上季曾經一度排名第二,無奈之後狀態低迷導致最後跌出歐聯席位,Hecking亦因此賠上代價。
好明顯Rose上任最主要嘅目標係帶領慕遜加柏回歸歐聯。暫時睇來Rose似乎喺慕遜加柏冇固定嘅陣型,但是通常都會喺4-2-3-1或者3-5-2,上一場對不萊梅(Werder Bremen)則使用4-3-3。Rose會針對不同嘅對手而排出不同嘅陣型,但是不變嘅係Rose要球員們採用counter-pressing快速贏回球權。Rose同Hecking嘅足球理念係完全相反的,Hecking非常注重控球但Rose卻認為最漂亮嘅入球唔需要多傳後攻入。對佢來講可以用少過3次傳球就攻入對方龍門先係最漂亮嘅入球。而且慕遜加柏的一些球員都認為Rose所帶來新嘅理念會非常高效,睇嚟呢班球員真係好有眼光!
慕遜加柏目前喺聯賽只被攻入11球,係聯賽中最佳防守之一。之所以能有如此嘅數據,最大原因就係慕遜加柏搶壓戰術嘅效果。慕遜加柏進攻端方面亦非常出色,成功打入24球。而佢哋嘅最佳射腳就係Marcus Thuram(打入5球)。Marcus Thuram其實就係傳奇球星Lilian Thuram之子!Thuram今夏剛加盟慕遜加柏,相信領隊係睇上咗佢嘅速度適合打造成慕遜加柏新一代邊鋒。最近喺歐霸對羅馬打入致勝球嘅佢也因為佢嘅慶祝動作而爆紅。上季打入12球嘅法國前鋒Alassane Plea今季亦9場打入4球,擁有驚人速度嘅佢依家係Rose不可缺少嘅球員之一。
拜仁已經7次連霸德甲,但是今季狀態一直起伏不定。夏窗引入多名球員嘅多蒙特表現比拜仁更加唔穩定。咁樣睇嚟慕遜加柏要奪得冠軍並非無可能,不過依家仲言之過早。今季嘅德甲確實係競爭唔少,慕遜加柏是否能打破拜仁的獨霸又或者拜仁會後來居上,讓Bundesliga繼續成為Bayernliga?



本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→