「從金童到屁孩到維拉隊長」

足球一家人 於 28/11/2019 發表 收藏文章
英超一直以來就因為競爭激烈而聞名,吸引廣大球迷觀賞。從以前的傳統四大豪門到依家嘅Big 6,唔講呢兩季利物浦同曼城雙雙為爭冠熱門,其實每一季誰會排前四都充滿未知數。除咗爭冠爭四,英超中下游隊的競爭亦非常激烈。最好嘅證據就係英超目前嘅積分榜從第五名嘅狼隊到第十七嘅韋斯咸只有六分之差!其實好多中下游隊裡都有出色嘅球員,比如話水晶宮有技術含量超高嘅Zaha,般尼茅夫有荷蘭人Ake,愛華頓就有英格蘭首席門將Pickford。今季嘅升班馬表演都好唔錯,其中錫菲聯表現特別亮眼,不過喺英格蘭歷史悠久嘅阿士東維拉不能被遺忘。
維拉隊中都有好幾個唔錯嘅球員,其中就有今季引入前般尼門將Heaton,仲有表現出色的蘇格蘭人John McGinn。不過有一位球員其實不知不覺已經喺阿士東維拉多達18年,佢就係維拉隊長Jack Grealish!Grealish喺六歲時候就已經加盟維拉,並喺2014年5月完成一線隊處子秀而當時佢得19歲。2015年5月,Grealish喺足總杯半決賽對利物浦打出成名作,助攻當時仲喺維拉嘅Delph打入致勝球,維拉逆轉利物浦晉級該季足總杯決賽。Grealish可以駕奴多個位置,左右翼通行依家仲可以打埋十號位置。佢控球同運球能力十分出色,為了更好控球佢甚至戴小孩版護脛!Grealish最標誌性嘅除咗髮型仲有就喺佢因為個人迷信而經常拉底長襪,佢亦因此經常被裁判勸要拉高襪避免被傷。
其實呢位年輕人曾經常惹過麻煩。2015年4月,英國媒體報導出Grealish喺夜店吸"laughing gas"嘅相片。領隊Tim Sherwood只係口頭上警告佢,Sherwood認為佢喺因為年少無知才會犯下呢種錯誤。Grealish冇因此而反省,反而變本加厲。2015年11月維拉作客愛華頓4-0慘敗,Grealish冇跟隨球隊回到伯明翰反而漏夜去蒲夜店。新任領隊Remi Garde罰佢同U21一起訓練並喺記者會上指責Grealish唔專業嘅行為。2016年9月佢參加一場喺伯明翰某家酒店嘅派對,該派對因為一直持續到凌晨而到最後需要警方到現場解散派對。維拉老闆Tony Xia(夏建統)針對此事喺Twitter上指責Grealish場上場下都應該管好自己。同一年10月,佢因為踐踏狼隊後衛Conor Coady而被禁賽3場。Grealish一次又一次唔成熟的行為導致佢從被冠為“金童”變成了“屁孩”。
18/19賽季,維拉喺英冠嘅第二季,維拉目標明確—要回到英超。Grealish喺呢果關鍵時刻變得成熟穩重,佢自己喺訪問中亦承認已經減少蒲夜店嘅次數。Grealish從出道以來都比較擅長打邊鋒,不過上季領隊俾佢十號角色。出乎預料佢將十號角色發揮得淋漓盡致,上季佢就係維拉衝擊升班的先鋒!Grealish再次成為媒體嘅焦點但呢次喺因為好嘅原因。Grealish喺英冠31戰打入6球6助攻,附加賽更3戰2助攻。喺球隊最需要佢嘅時候,Grealish顯示出自己嘅領袖風範,呢點獲得現任領隊Dean Smith嘅賞識。2018年3月,佢被委任為維拉隊長,年紀輕輕嘅佢感到非常榮幸但並不自滿。佢話自己得23歲(被委任時23歲),佢唔敢講自己已經成熟,不過佢知道自己會越來越成熟因為佢承擔著更多嘅責任。

唔講你可能唔知,Grealish有一個冇人想擁有嘅紀錄。維拉降班前,Grealish曾經每次喺英超上場就輸波而今季升班後的首兩場維拉亦吞下敗果。Grealish就咁連續輸咗20場英超聯賽賽事,英超史上首位球員取得該紀錄。一直到聯賽第三次對愛華頓,維拉2-0勝愛華頓Grealish嘅連敗紀錄告終。Grealish更因此喺推特上發文搞笑回應。
Grealish喺土生土長的伯明翰人,所以深獲球迷愛戴。佢擁有雙重國籍,曾經代表愛爾蘭U17到U21上陣,不過佢也曾經代表英格蘭U21上陣7次打入2球。佢隨後宣布要為英格蘭上陣,呢果亦係為何佢突然成熟起來,佢知道只有回到英超才能吸引英格蘭教練Southgate的注意。Grealish今季英超目前11戰取得2入球4助攻的成績,相當唔錯。小編本人非常欣賞Grealish,佢得24歲,前途無量。若Grealish能一直保持現有的水準甚至更上一層樓,相信好快Southgate會召佢入國家隊!


本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→