「屬於利物浦的青春風暴」

足球一家人 於 11/01/2020 發表 收藏文章
利物浦自上季奪得歐聯冠軍為科普贏下喺利記首座獎盃後,狀態一直保持奮勇。奪得歐聯後利記今季又奪下歐超盃同世俱杯,喺英超更可以話係一馬當先獨領積分榜。然而成功係需要付出代價嘅,利記因為上季嘅歐聯成就導致今季需要多線征戰。本以為高普會因此係2019夏窗引入球員加厚板凳,但德國人竟然選擇喺今季派用球隊青年軍應戰,其中喺聯賽盃同足總盃就讓多名青年軍首發。最讓人難忘嘅無非就係當利記為了應戰世俱杯而被逼派上全隊青年軍喺聯賽盃對陣維拉。雖然利記以5-0大比分落敗,但其實青年軍的表現非常可嘉,利記青年軍全場比賽的射門次數同控球率係高過維拉的!
利記當今最備受矚目的金童無疑就係得16歲嘅Harvey Elliott!Elliott出自富咸青訓並喺2018年聯賽盃中代表富咸一線隊出戰,當時得15歲嘅佢係聯賽盃史上最年輕出場者。隨後Elliott便獲得現任富咸主帥Scott Parker的青睞,讓佢喺2019年5月完成聯賽處子秀。富咸一心想要挽留這名天才小將,不過由於富咸已經降班的關係Elliott並無接受富咸提出的續約同獎學金。當Elliott獲知利物浦有意簽下佢時,Elliott便立刻答應因為Elliott本身就係紅軍迷。Elliott司職右翼,截至目前已經為利記一線隊出場5次。佢亦喺歐超盃同世俱杯上出現喺板凳,因此獲得歐超盃同世俱杯獎牌。雖未為一線隊打入進球或助攻,不過腳法細膩的Elliott表現非常亮眼。相信喺高普調教下必定能成為未來利記,甚至英格蘭的主力。
loading

除此之外,出自利記自家青訓的Curtis Jones亦喺最近引起了各界球迷的注意。Curtis Jones係土生土長的Scouser,九歲就已經加入利記青訓並從U9階段一直代表利記到U23階級。上季足總杯對狼隊更完成了一線隊處子秀,而Jones今季則對般尼茅夫時替補出場完成英超處子秀。Jones今季的表現其實相當驚艷,喺聯賽盃對阿仙奴的12碼大戰正是靠Jones射入致勝的12碼。當然仲有最近利記喺足總杯派上青年軍迎戰同城死敵愛華頓,Jones就打入一記漂亮的入球。無疑對於一名Scouser來講能夠打入對敵隊的致勝球係多麼的有意義,而Jones慶祝入球時不斷拍打胸前的利記徽章更顯出自己對球隊的熱血。Jones今年得18歲,不過就已經喺U23階段當過隊長。小編認為再過多幾年的磨練,Jones唔單止能係利記中場的創意來源,有朝一日更能成為利記隊長。
再來就係近排頻頻獲得出場機會的Neco Williams。威爾斯人Williams都係出自於利記青訓,六歲就已經加入利記青訓。利記喺右閘確實缺少輪換人員,Clyne喺季前賽受重傷而隨著利記多名中堅受傷導致通常被安排代替阿諾嘅戈麥斯(Joe Gomez)必須回到中堅位置搭檔范迪克。高普曾經嘗試讓米拿(Milner)出任右閘,米拿固然能完成工作但卻導致利記喺右閘方面少咗個進攻威脅。高普因此轉靠青年軍,Williams就咁獲得科普的青睞。Williams喺利記對阿仙奴嘅聯賽盃賽中出場完成一線隊處子秀,佢更喺最後一刻助攻Origi打入重要的扳平球。最近佢亦喺足總杯中對愛華頓首發,可見科普已經慢慢將Williams視為右閘的輪換人選,畢竟Williams喺進攻端比米納爾貢獻更多。
其實利記出色的青年軍真係多到數唔曬,其中仲有前幾日已經租借到斯旺西(Swansea)嘅Rhian Brewster,前阿積士青訓球員Ki-Jana Hoever,今夏剛加盟的荷蘭人Sepp van den Berg,仲有足總杯完成處子秀嘅左閘Yasser Larouci。呢一班年輕球員都有伴隨利記出戰歐超盃,世俱杯,甚至一些喺上季歐聯決賽出現喺板凳上。高普絕對係適合執教呢班年輕球員嘅人,而佢哋能咁快就融入利記一線隊的體系亦展現出科普成功改革利記,讓球員們從青訓階級就接觸一線隊的戰術與風格。可能五年後我哋會見到Elliott替補Salah出場,阿諾戴住隊長臂章,Jones身為副隊長喺中場嗌隊友要專注啲,這畫面利迷們應該覺得唔錯吧?



本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言


請按此登錄後留言。未成為會員? 立即註冊
  • OMAR 於 11/01/2020 評論 NO. 1

    係咩地方既譯名....? 冇英文真係一個都唔識... 科普????

  • 足篮协会 於 11/01/2020 評論 NO. 2

    兩位筆者都是來自馬來西亞的,很努力嘗試適應港語寫法,若有任何失誤敬請見諒

快捷鍵:←
快捷鍵:→