「一場唔喺西班牙嘅西甲聯賽賽事」

足球嘅發展快得令人喘唔過氣，而現代足球不再如以前般。依加嘅足球除咗球場上要有表現，球會係球場外亦必須好好表現。因此很多球會開始注重球隊嘅包裝，其中就包括不斷開拓亞洲同美國嘅市場。近幾年來，歐洲各大球會亦不斷到亞洲同美國參加季前賽，佢地藉此機會同海外嘅球迷互動並挖掘商機。就比如話今季嘅季前賽，利記就同多特蒙係美國打咗場友誼賽而皇馬同馬體會就喺美國來咗場唔喺馬德里嘅馬德里打吡。喺美國打友誼賽已經不見怪，但是嚟又有冇估到可以喺美國睇到一場正式嘅西甲聯賽比賽？
根據西班牙媒體El Confidencial，維拉利爾12月8號主場對壘馬體會嘅西甲賽事好可能會喺邁阿密舉行。如果呢場賽事真係發生，佢將會喺西甲第一場“海外賽”。維拉利爾嘅球會主席Fernando Roig就話到：“我希望今次嘅商討會有結果，我地正在討論將維拉利爾-馬體會帶到邁阿密。我地（維拉利爾）同馬體會已經答應喺邁阿密比賽，但我希望呢個決定係大家嘅意思同共識”。根據傳聞，這場比賽會係邁阿密Hard Rock Stadium進行，而維拉利爾方面將會退款俾所有已經購買喺Estadio de la Ceramica場賽事嘅球迷。雖然如此，維拉利爾球迷們好可能就會因此而錯過咗賽季中最大嘅一場賽事之一。

小編認為一個球隊甚至聯賽嘅商業價值固然重要，但是足球嘅根源在於個球隊嘅社區同球迷。推大聯賽嘅市場可以為聯賽裡嘅球隊爭取更多嘅資金來吸引更好嘅球員，藉此聯賽嘅競爭會提升（睇下英超就知啦！）。不過為咗錢而忘了本，應該嗎？現代足球最大嘅問題就是好多球會主席唔係將球會視為球會，而將佢視為一盤生意。如果將歐洲一些聯賽帶到美國甚至亞洲，我地班亞洲球迷的確就有眼福，但是嚟諗下班維拉利爾球迷要環遊成半個地球先可以見到愛隊，合理嗎？維拉利爾雖然有同馬體會安排緊飛機航班，將球迷從西班牙帶到邁阿密，但是又有幾多位球迷可以買得起去美國嘅機票咧？或則維拉利爾，馬體會同西甲聯賽真是應該好好商討一個利益所有人嘅方案。
其實呢個並唔是西甲聯賽主席Javier Tebas第一次獻議將西甲帶到美國。就係舊年，Tebas曾經建議將El Clasico帶到美國但最後不成。但是今次好可能會成功因為聽講維拉利爾同馬體會都同Tebas有著唔錯嘅關係。若西甲身為開拓者能夠成功，相信英超，德甲，意甲好快會跟隨西甲嘅腳步，歐洲聯賽“海外賽”有可能成為一個新嘅足球潮流。


本專欄是由兩名來自馬來西亞的學生開設，如果喜歡歡迎追蹤專欄或FB專頁 足球一家人
https://www.facebook.com/FootballFamily627/