「一分錢一分貨還是冤枉錢」

足球一家人 於 18/02/2020 發表 收藏文章
幾日前廣大社交媒體流傳著阿積士摩洛哥中場施耶治(Hakim Ziyech)即將加盟車路士的消息,而好快的喺第二日車路士同阿積士都同步宣布了這消息。由於冬窗未能引入任何球員,車迷紛紛對林帕特同班高層感到不滿但喺轉會窗關閉幾星期後就宣布施耶治的加盟成功挽回了班球迷。除咗車迷之外好多球迷都認為這個交易非常值得,畢竟施耶治是一名技術出眾的球員而車路士竟然成功以4000萬歐元的轉會費簽下佢。爭四球隊除咗車仔,熱刺也以3000萬歐元簽下Bergwjin而曼聯則以5500萬歐元簽下費南迪斯(Bruno Fernandes)。
無疑曼聯可以話係爭四團體中花上最大筆錢的球隊,因為除咗費南迪斯的轉會費曼聯夏窗時亦花了大筆錢。5000萬英鎊引入雲比沙加(Wan-Bissaka)同埋8000萬英鎊簽下麥佳亞成為蘇斯克查的首幾筆交易。曼聯洗大錢引入球員已經唔係一日兩日的事,不過曼聯所支付的轉會費真的物有所值嗎?
先講下世界最貴中堅麥佳亞,當時同曼聯爭奪他的簽名嘅球隊正是死敵曼城。兩家球會陷入一場競標大戰而最後勝出的是曼聯,對此曼城領隊哥迪奧拿表示曼城冇能力達到李斯特城所要求的轉會費。好對人對於哥帥的言論投以驚訝,財力豐厚的曼城竟然會話冇能力簽下心目中的球員?其實試諗下可能唔係曼城冇能力,而只不過哥帥認為麥佳亞唔值得如此高的轉會費。蘇斯克查一心想將麥佳亞帶到曼聯因為希望他能有范迪克般的效應,不過事實就係麥佳亞未能有如此的效應。無疑麥佳亞是一名出色的中堅,不過他實在配不上8000萬的身價。唔講范迪克,就連曼城中堅Laporte(6500萬歐元轉會費)都比麥佳亞出色並對球隊有更大的效應。好明顯李斯特城接著兩家曼徹斯特球隊的競標戰同得知曼聯急需一名中堅的情況下抬高了麥佳亞的轉會費。雲比沙加也可以話係相同的情況。
至於費南迪斯如果要咁快就對他作出評價實在是不公平,不過以下係他曼聯首秀的數據。費南迪斯全場比賽冇交出任何關鍵傳球(key passes),費南迪斯係全隊第二多被奪走球權的球員(僅次於雲比沙加),而最意想唔到嘅係費南迪斯係全隊中傳球率(passing accuracy)最低的球員。對於一名中場球員來說,咁嘅數據真的非常讓人失望但費南迪斯竟然獲得該場比賽的全場最佳球員!當然數據不代表一切,比賽中費南迪斯的表現是值得鼓勵的因為他禁區外射門非常唔錯,而他也在加盟後就被立刻丟入首發陣容了。5500萬的轉會費值唔值得就要等他真正融入球隊同英超節奏先能作出判斷了。
相比之下,曼聯的各個敵隊喺轉會市場的操作模式高效許多。利物浦高價簽下范迪克,阿利森明顯的改善了防守問題;曼城簽下的馬列斯(Mahrez)同Laporte也相對解決了球隊的問題。熱刺能夠簽下孫興民,阿里(Dele Alli)這種球員亦都多得他們的球探系統;車路士方面亦經常成功簽下符合球隊的球員,普列錫(Pulisic)同最近宣布的施耶治都是非常好的例子。後費格申時代的曼聯已經多次喺支付高轉會費之下簽下水貨了,法爾考(Falcao),迪比(Depay),山齊士(Sanzhez)同迪馬利亞(Di Maria)只是冰山一角。這些球員都是一些大牌球星但加盟曼聯打不出水準所以好快就被標為水貨了。除咗球員本身問題同教練戰術問題之外,曼聯的球探系統經常遭到自己球迷的質疑。一些前領隊如摩連奴亦曾經抱怨過球隊轉會方面受到一些“唔了解足球”的人干涉。同樣曾經洗大錢的曼城同利物浦都取得了相對的成果,然而曼聯一次又一次的支出高額轉會費卻睇似係不進反退。



本專欄是由兩名來自馬來西亞的學生開設,如果喜歡歡迎追蹤專欄或FB專頁 足球一家人
https://www.facebook.com/FootballFamily627/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→