又送電視！樂視再推瘋狂計劃，仲有歐國盃添！ 精選 推薦

上個月，樂視先搞完個「睇英超、送電視」嘅瘋狂計劃。估唔到，事隔一個月，佢地又有新搞作！下個月歐國盃開踢，樂視亦宣佈佢地都擁有播映權。如果想睇歐國盃嘅話，依價錢睇，樂視絕對係一個好選擇！

而且，樂視方面話有成7支攝製隊現場直擊比賽，仲同5個國家(西班牙、法國、英格蘭、德國、意大利)達成合作協議，擁有國家隊第一手資訊獨家花絮、訪問。另外，小編知道好多球迷都好關心旁述嘅問題。今次歐國盃，佢地評述員陣容肯定係講廣東話之餘，仲可以話係星級陣容。除咗好受港人歡迎嘅何輝之外，仲有港隊隊長陳偉豪，剛剛創咗世界紀錄嘅東方女主教練陳婉婷，另外仲有大哥瑜(蔡育瑜)、李榮基、鄭兆聰、貝可汐、余溢明，應該唔會令大家失望啩！

價錢抵大家應該都見識過，今次Software都咁齊全，再加上有唔同Plan任君選擇，包你實揀到心水之選！就等小編幫大家簡介下各個Plan！

今次，樂視睇歐國盃主要分為兩個計劃，分別在於要唔要埋電視！如果大家想要埋電視，可以選擇「超級體育組合」；如果唔駛換電視嘅球迷，都可以就咁買獨立Plan！

「超級體育組合」(今日5月19日中午12點 LeMall.com 開售)
其實依個Plan同上次「買英超、送電視」好相似。揀依個Plan嘅話，除咗有得睇6月歐國盃，英超、足總盃、中超、美職棒甚至係未來樂視買嘅新體育項目都有，可謂包羅萬有，啱哂鍾意睇唔同運動嘅朋友。而且，最重要嘅係，佢送埋電視添！
只要你選擇3年、或者5年嘅Plan，就會分別送價值$5499同$7999嘅X55同X65。計番條數，每月月費其實分別只係$46.5同$69.2，認真抵玩！(「(價錢 - 贈品價值 - 3個月影視Plan價值)/月數))
btw，依個Plan會喺今日(5月19日)中午12點開售，為時12個鐘(1200-0000)咋！大家如果要買記得上去 goo.gl/zpaGXu 揀番心水嘅Plan！

「歐國盃獨立Plan」(5月20日中午12點 LeMall.com 開售)
至於淨係想睇歐國杯嘅朋友，就可以選擇兩款獨立Plan。
A. 歐國盃 - $249
B. 歐國盃 + 樂視盒仔+ 1個月超級體育組合+3個月超級影視套餐 - $599
Plan A相信係俾之前有睇開樂視嘅朋友。而PlanB，就啱哂之前無裝樂視嘅球迷們！依個價，好似抵過本身公佈咗有播映權果間，雙方實行嚟個價格大戰！

依個Plan就會喺5月20號開賣，為期可以去到6月1號，詳請都係去番goo.gl/l6xyLs

小編個人就覺得5.19個「超級體育組合」更正，個Plan月費唔貴仲送埋部電視（之前樂視已爆出買咗世界盃，仲傳聞有埋NBA）！ 睇哂咁多個選擇，大家又鍾意邊個多啲呢？