又一神龍天下！美國門神候活上身，16次撲救破36年紀錄！ 精選

今屆世界盃可謂係守門員嘅天才，無論是傳統強隊（如巴西、德國），抑或是被視為二線、甚至魚腩嘅球隊，均有一位出現神級嘅龍門。墨西哥嘅Sam哥固然厲害，但其他如智利嘅巴禾、M'Bolhi、尼日利亞嘅安耶馬等等都發揮出色，尋晚另一神龍，美國嘅門神候活雖然最後都幫唔到美國晉級，但佢嘅神級表現，足以贏得世人嘅掌聲，佢該場比賽更做出16次撲救，超越1978年秘魯門將羅曼基洛加對荷蘭創出嘅13次撲救，成為世盃自1966年有技術統計以來，單場撲救次數嘅新紀錄！賽後連比利時隊長高柏尼都响自己嘅Twitter激讚佢：「兩個字，『尊重』侯活。」
賽後，侯活更獲選為今場嘅最佳球員！

https://www.youtube.com/watch?v=9vdzZBIj9eo