尼馬世界盃處子戰梅開二度救主！22歲50場33球追平細哨並列巴西隊史第7號射手！ 精選

22歲嘅年紀，10號核心，尼馬係巴西人憧憬世界盃冠軍嘅理由。比賽之前奏國歌儀式上，尼馬就流下熱淚。第一次踢世界盃，承載住兩億巴西人嘅希望，尼馬知道壓力有幾重。馬些路嘅烏龍波令巴西隊嘅第一戰出咗啲意外，但作為巴西隊嘅頭號球星尼馬不負厚望挺身而出，佢左腳勁射撞柱而入，為巴西射入關鍵扳平入球！

https://www.facebook.com/photo.php?v=724915780899866
尼馬令聖保羅球場陷入瘋狂，數萬人吶喊、咆哮、狂歡，一向冷靜嘅史高拉利都振臂歡呼慶祝。呢個入球太重要喇，巴西人唔會希望爆冷响自己身上發生。到咗下半場，費特搏到一球爭議十二碼，尼馬頂住壓力操刀射入，幫助巴西2-1反超！呢球係尼馬50場國家隊嘅第33球，年紀輕輕嘅尼馬已經係巴西國家隊隊史TOP10嘅射手，僅次於77球嘅比利，66球嘅薛高，62球嘅大哨，55球嘅羅馬里奧，39球嘅白必圖，34球嘅利華度，追平33球嘅細哨同渣仙奴，並列巴西隊史第7號射手！

https://www.facebook.com/photo.php?v=724915984233179
《環球體育網》驚嘆：我地從不缺少英雄，1958年嘅比利，1994年嘅羅馬里奧&白必圖，2002年嘅朗拿度，現在係尼馬嘅時刻！