洲際國家盃各獎項得主：尼馬獲金球獎，托利斯奪金靴、施薩最佳門將！ 精選

洲際國家盃決賽後國際足聯頒發咗本屆杯賽嘅各個獎項，尼馬獲得金球獎同銅靴獎，而托利斯則因為出場時間更少，因此力壓費特攞到咗金靴獎。

金球獎﹣尼馬、銀球獎﹣恩尼斯達、銅球獎﹣保連奴
洲際國家盃決賽後國際足聯頒發咗本屆杯賽嘅各個獎項，响最重要嘅最佳球員獎項當中，6人候選名單分別係恩尼斯達、尼馬、保連奴、拉莫斯、派路、蘇亞雷斯。最終巴西防守中場保連奴獲得咗銅球獎，佢响本屆洲際國家盃展現咗自己極強嘅防守能力。西班牙中場恩尼斯達獲得銀球獎，而獲得金球獎嘅係巴西頭號球星尼馬，入咗4球助攻2次，完全配得上自己所穿嘅10號球衣，而呢個金球獎亦令人對尼馬嘅期望更高！
金球獎頒獎片段：
http://www.youtube.com/watch?v=zVd4hpLvuO8
金靴獎﹣托利斯、銀靴獎﹣費特、銅靴獎﹣尼馬
西班牙前鋒托利斯同巴西前鋒費特則分別獲得金靴獎同銀靴獎，响本屆聯合會杯中兩人同樣射入5球，並且有1次助攻，不過托利斯嘅出場時間更少，因此按照國際足聯規則佢獲得咗金靴獎。不過費特攻破嘅都係意大利、烏拉圭、西班牙呢啲強隊，呢三支球隊全部從小組出線殺進咗四強。而托利斯嘅入球則係响對大溪地同尼日利亞時射入，呢兩支球隊都未能小組出線，而且响對大溪地時托利斯就刷咗4個入球，可以話費特嘅5個入球顯然含金量更高。而尼馬以4個入球獲得銅靴獎，佢响三輪小組賽中全部都有入球，雖然响巴西對烏拉圭嘅半決賽中沒能入球，但响聯合會杯決賽尼馬再度破門，本屆賽事一共射入4球。

最佳門將﹣施薩
最佳門將金手套獎，得主係巴西門神施薩。呢位老將响去年夏天告別國米加盟英超弱旅昆士柏流浪，一度遠離國家隊，但史高拉利上任後重新啟用施薩並取得咗很好嘅效果。施薩响本屆杯中5場比賽一共只失3球，而且响對烏拉圭嘅半決賽中仲撲出科蘭主罰嘅一個十二碼。憑借優秀嘅表現施薩再度吸引咗歐洲豪門嘅關注，目前阿仙奴、羅馬、費倫天拿都有意邀請佢加盟。
施薩撲出科蘭主罰嘅十二碼！
http://www.youtube.com/watch?v=v9KCKM-jjLE
公平競賽獎﹣西班牙國家隊
本屆嘅公平競賽獎由西班牙國家隊奪得。