洛賓痛哭狂奔+滑跪怒吼！失2單刀但一傳一射完美救贖！ 精選

全場比賽2次浪費單刀良機嘅洛賓，卻成為咗拜仁嘅英雄。佢嘅妙傳幫助文迪蘇傑首開紀錄，89分鐘更係親自破門終結比賽，為拜仁贏得咗隊史上嘅第5座歐聯獎冠軍。

無可否認，今晚嘅英雄係你喇！洛賓！

3次歐聯決賽，洛賓一共狂射27腳，咁樣嘅射門數理應獲得更多嘅入球。但面對一個又一個嘅好機會，洛賓都無法把握住，「決賽不入球」不僅僅係魔咒，更係洛賓嘅心魔。但進入咗下半場後，洛賓徹底爆發。決賽第60分鐘，面對列貝利送出嘅又一次妙傳，洛賓沒有再浪射。呢次面對出擊嘅龍門，洛賓一腳精準嘅傳中幫助文迪蘇傑首開紀錄！

上半場一次黃金機會，洛賓未能把握...
http://www.youtube.com/watch?v=fe6tQBCG-yU
今次洛賓沒有再浪射，而係傳咗個好靚嘅傳中波！
http://www.dailymotion.com/video/x107kl4_bong-da-borussia-dortmund-0-1-bayern-munich-60-mandzukic_sport
雖然响入波後無耐拜仁就被多蒙特扳平，但洛賓仍然充滿信心。比賽第89分鐘，睇黎比賽就要進入加時賽喇，洛賓就响呢個時候挺身而出絕殺對手！佢响禁區前再次獲得單刀機會，面對整場比賽都零封自己嘅維丹費拿，呢個時候洛賓卻顯得格外冷靜，佢選擇咗最為輕巧嘅方式去解決對手，一腳細細力嘅射門穿過維丹費拿，絕殺咗多蒙特。憑住呢個入球，拜仁以2-1嘅比分絕殺多蒙特，奪得咗歐聯獎盃，而响奪冠後，洛賓都喜極而泣，流下咗幸福嘅眼淚。
呢個時候嘅洛賓顯得格外冷靜，細細力就絕殺咗多蒙特！
http://www.dailymotion.com/video/x107l6s_bong-da-borussia-dortmund-1-2-bayern-munich-89-robben_sport
曾經嘅「決賽軟腳蝦」，現在嘅「絕殺先生」，僅僅90分鐘嘅比賽，洛賓便完成咗一個華麗轉身。相信全場比賽，無論係現場嘅觀眾、電視機前嘅觀眾、甚至係拜仁嘅球員同教練，都曾不斷埋怨錯失機會嘅洛賓，但响比賽嘅最後時刻，洛賓嘅入球讓自己實現咗完美救贖。去年歐聯決賽上射失關鍵十二碼，導致球隊無法贏波嘅罪人洛賓，今日已經係拜仁嘅英雄。的確，錯失單刀球嘅洛賓讓拜仁一度踢得非常艱難，但佢1傳1射嘅出色發揮又導演咗呢場勝利。洛賓，絕對係讓拜仁球迷「又愛又恨」！
洛賓賽後訪問：
http://www.youtube.com/watch?v=Bn_f0HuKBKU
過咗呢晚，你又有冇對洛賓改觀呢？