伊巴蒙冤！？人中呂布踩踏似係收腳不及，華倫左閘動作似乎誇張！ 精選

歐聯16強第一晚嘅比賽，巴黎聖日耳門作客華倫西亞，去到第91分31秒差唔多完場嘅時候，伊巴反搶中踩到華倫西亞邊衛犯規，被球證直接出示紅牌罰落場，但從慢鏡頭黎睇，伊巴犯規屬實，但係衝住個波去，而華倫西亞邊衛倒地後痛苦翻滾嘅動作似乎有啲誇張咁喎！至於係咪真係咁，大家就自己睇片衡量喇！

http://www.youtube.com/watch?v=746LWDUoI_Ihttp://www.youtube.com/watch?v=kGVo5q-kxrI
本場比賽，如果唔係華倫西亞門將嘅神勇發揮，伊巴可能就入到波。下半場比賽，伊巴得到兩次鎖定勝局嘅機會，但都俾蝙蝠軍團門神化解。至於補時階段嘅紅牌，係伊巴職業生涯第3次响歐聯賽場攞到嘅紅牌，之前响2005-06賽季及2006-07賽季，伊巴先後代表祖雲達斯及國米响歐聯小組賽對決拜仁時有過被罰出場嘅經歷，但前兩次均係兩黃變一紅。
伊巴呢張紅牌有無冤枉到佢呢？

次回合無咗伊巴，唔知啱啱加盟嘅咸爺會唔會出場幫助球隊順利晉級呢？

咸爺：下場等我黎啦！