足球自大自戀狂 Top 10！C朗屈居第二？第一位係...

入波、助攻嘅Top 10大家就睇得多，但係自大自戀嘅Top 10相信大家都未睇過喇掛！網易體育就整咗個足球自戀狂嘅排名，依家就一齊睇吓頭10位係邊個啦！

10. 賓特拿
賓特拿綽號「自信帝」，舊年3月，阿仙奴球會一項滿分為9分嘅「球員自信心測試」中，賓特拿居然攞咗10分（爆分？）。賓特拿自信到咩程度呢？當佢錯過破門良機嘅時候，佢從來唔會認為係自己嘅錯，可以搵到一大堆理由黎告訴你係咩原因。

9. 保羅恩斯
早在曼聯嘅時候，恩斯就响更衣室裡話：「唔好叫我恩斯，叫我總督。」正係呢種自大同自戀，令費格遜將佢趕出奧脫福。費格遜曾經好無奈地講：「想強迫保羅因斯做佢唔願意嘅事係無可能嘅。」

8. 卡斯辛奴
連卡斯辛奴自己都承認，佢係個無比自戀嘅人。「我覺得自己幾好呀，無必要向別人學習。有邊個同我相似？响意大利有卡斯辛奴就夠哂啦。」佢甚至仲炫耀自己已經同超過600個女人上床，「有次比賽嘅早上，我响早上六點同我其中嘅一個女友發生關系，然後去比賽。」Orz.

7. 比利
「美斯係當今世界最好嘅球員，呢一點係大家都承認嘅。不過足球史上唔會有第二個比利出現。美斯同我比？當佢射入1283球，攞到3次世界杯冠軍，然後再將我地放埋一齊講啦。紀錄嘅創造就係要被打破嘅，但係我認為，幾乎不可能打破我嘅紀錄。每當有優秀球員出現時，人們總係話，下一個比利誕生咗！絕無可能！我嘅爸爸同媽媽已經停止咗生產。」比利嘅自信心，總係無與倫比。

6. 馬勒當拿
比利每次有偉論發表嘅時候，馬勒當拿就會即刻加把嘴。當比利話美斯永遠比唔上佢時，老馬為美斯回擊，「比利就係一個老古董，而且已經成為FIFA嘅玩具。除咗响各種足壇嘅頒獎慶典上能見到比利之外，別嘅時候我地根本睇唔見佢嘅影子。希望佢咪再食錯藥，成日亂嗡。」响出任阿根廷國家隊主帥時，馬勒當拿被迪·史提芬奴形容為自大，「傲慢嘅言語嚴重影響咗佢自己同球隊嘅公眾形像，人們不會喜歡佢咁樣嘅人。」