卡卡不走皇馬損失7000萬歐元！？前金球獎得主進退兩難

西甲豪門皇家馬德里已經復操，巴西巨星卡卡亦已返回球隊報到。响西班牙媒體眼中，卡卡早已唔係三年前嗰個“集萬千寵愛於一身”嘅前金球獎得主，巴西人已經變成咗班拿貝球場嘅一個沉重負擔，馬卡報更指出卡卡唔走嘅話，皇馬損失將達7000萬歐元。响西班牙人睇黎，卡卡離隊對於各方黎講，都係一種解脫...

其實卡卡表現都唔差！
http://www.youtube.com/watch?v=jwrFiLuj5cw
究竟7000萬呢一個數字係如何得來嘅呢？且看《馬卡報》嘅分析：卡卡與皇馬長達6年嘅合約，目前仲剩3年，卡卡响皇馬嘅年薪响1000萬歐元左右，咁第四、五年，皇馬將分別為其支付1230萬歐元，兩年總計2460萬歐元嘅薪金+稅。第六年，由於所得稅率上升至52%，則皇馬要為巴西巨星支付1520萬歐元。咁計法，三年總計係將近4000萬歐元嘅薪金+稅，對任何一支球隊來說，都係一個沉重嘅壓力。除咗呢4000萬之外，皇馬仲希望從卡卡身上收回3000萬歐元左右嘅轉會費，一進一出，就係7000萬歐元喎！以下係《馬卡報》嘅截圖：


當然，如果場上發揮出色，咁洗多啲錢皇馬係沒有任何意見嘅。但係卡卡自2009年夏天加盟皇馬以來，响三個賽季中總共打咗66場西甲聯賽，出勤率僅有59.7%(總共114場)，攻入20球。如果對於一名輪換球員黎講，呢個數據應該話係非常唔錯，但係考慮到卡卡6500萬歐元嘅身價及其1000萬嘅年薪，呢種表現顯然無法令皇馬高層感到滿意。

卡卡：我好俾心機練波架！

轉會離隊雖說勢必會影響卡卡嘅收入，但係巴西人能响其它球隊重新證明自己嘅能力，對佢呢個級別嘅球員黎講，錢唔係最重要嘅；對於皇馬黎講，恐怕費倫天奴甚至願意免費送走卡卡，將心比心，邊支球隊願意用1000萬高薪，養著一位輪換球員呢？卡卡離開皇馬，的確係各方都樂於見到嘅結果。

卡卡：你地唔係想我走呀麻！？

來源：網易體育