保方嬲爆憤怒離場！同德國交手前幾乎一夜未睡响YouTube睇片

保住意大利後方嘅保方賽後嬲到爆，慶祝都唔慶祝就衝入更衣室。意大利贏咗喎，點解保方會咁嬲呢？原來佢嬲隊員响比賽未結束之前就鬆懈落黎，佢認為球隊依家實在太年輕喇，一定要學好點樣應對呢種比賽先得！

http://www.youtube.com/watch?v=8tmntmHm7rE
保方賽後就咁講︰「我地表現唔錯，一直保持領先，但係我地最後5分鐘嘅表現完全係响度玩火！我好嬲呀，响歐國盃嘅比賽你完全唔可以掉以輕心，如果佢地夠運嘅話，比分好可能會被扳平2比2。咁我地將會被拖入加時賽，對我地十分不利。我地嘅球隊仲好年輕，我地必須學習點樣應對。好在今晚我地順利贏咗。」

保方：我是憤怒！分分鐘可燒死你～

保方仲透露同德國交手前一晚，佢幾乎一夜未睡，「我幾乎無訓到覺，但我唔係研究對手，我用咗大概一個半小時，响YouTube上將我地戰勝英格蘭後意大利街頭嘅慶祝片段全部睇咗一次，咁樣令我心情澎湃，然後我開始想像依家擊敗德國後係點樣嘅情形。”

保方：我無訓到覺，我唔係研究對手，亦唔係睇AV，我係睇慶祝片！（講完之後單眼）