卡特歷最後時刻頭鎚護空門！捷克創紀錄成歐國盃史上得失球負數仍首名出線隊伍

當捷克歐國盃首戰以1比4慘敗俾俄羅斯嘅時候，相信無人會估到佢地最終能夠以小組首名出線，但係當比賽去到最後一秒鐘，巴拉薩高斯基禁區內嘅射門被捷克嘅卡特歷頭鎚護空門，奇跡就變成了現實。依家就先欣賞吓呢次咁美妙嘅頭鎚護空門先啦！

http://www.youtube.com/watch?v=c7L1jy3U_0k&feature=player_embedded
賽前都無乜人睇好捷克，不要好多人都忘記咗上屆歐國盃捷克亦都曾經以1比0搞掂東道主瑞士，忘記咗1996年佢地係點樣响第89分鐘射入一球驚險出線。今次捷克神奇地以小組首名出線，兼且創造咗歐國盃歷史上嘅一個紀錄﹣首支得失球為負數嘅小組第一出線隊伍。三場比賽捷克入咗4球失咗5球，得失球為-1，但佢地憑兩場勝利攞到小組第一，仲記得1996年佢地只係謹謹靠勝負關係壓倒意大利出線，而當年仲殺入埋最終決賽添。

出到線真係抵錫！

隊長施治！！！

進入沉思Mode......