足球教學 — 如何練習雲佩斯彈射式射門

球迷分享站 於 18/07/2013 發表 收藏文章
上季英超其中一球金球由朗尼、雲佩斯聯手泡製,對維拉的一場波入面朗尼在半場長傳,雲佩斯球不著地就起腳射入,龍門除咗投降之外真係咩都做唔到!呢種射門方法係用腳面向前片個波,球速快之餘皮球仲無咩旋轉,可以話係迅雷不及掩耳,隨時入咗龍門先有反應!不過咁靚嘅射門究竟係點練成嘅呢?阿叔就俾啲貼士大家啦!

首先大家要練習一下點用腳面射波,可以自己用手拋波、再用腳面彈,熟習一下點樣運用。到習慣咗腳面射波嘅球感之後,就要練習點樣接應隊友傳波!呢到就要個朋友仔幫幫手,拋波俾你然後用腳面彈射。呢個時候唔駛太注重準確性及力度等等,首要嘅係準確接應到隊友的傳送先!

到咁上下,就可以練習準繩度,方法都係要個朋友仔拋波俾你用腳面射,不過今次你就要好好咁將個波彈返俾佢接住!咁就可以練到射門嘅準確度、射門方向等等。

最後,當然就係要對住個龍門練啦!你、隊友、同龍門企成品字形,就可以開始練習!個品字形的大細長寬可以拉長縮短,模擬不同的實戰情況!睇下片就知呢四部點做喇!
不過要做到咁靚呢...應該咁講,你做得到咁靚嘅射門,記得返嚟搵阿叔!我幫你拍幾段教學片益下大家嘛!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→