足球教學 — 基本功教學:的波

球迷分享站 於 19/07/2013 發表 收藏文章
基本,基本,基本。腳法可以好花巧、射球可以好獨到,不過基本功仍然係不可或缺嘅,任你有懷斯嘅極重腳頭,如果盤球、扭波做得唔好,你根本入唔到射程範圍起腳。

今次阿叔就同大家講下一切控球嘅原點:的波!其實呢個技巧可能好多人都識,不過你又無試過好有系統咁練一次呢?如果你係初學嘅,就更加要跟住呢set練習,日日訓練自己嘅控球!

最基本嘅,就係「的」一下先!初時可將皮球彈一彈地先,再用腳面將皮球踢向自己身體,再用手接住。熟咗之後就可以skip咗彈地,用左腳的波、接住、放手,再用右腳的波、接住、放手。

進階一啲,就可雙腳一齊練!都係用手攞住個波先,放手,右腳的波、交去左腳,左腳向上的,用手接住。

最後,就可以進行「無限迴廊」式訓練!每次的波次數都加一,即係的一下,接實;的兩下、接實,直到失敗為止!你最多可以做到幾多下呢?

如果喜歡我們的文章,請即分享到︰

標籤: 足球教學  基本功  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→