歐國盃2012前瞻:B組形勢分析

球迷分享站 於 30/05/2012 發表 收藏文章
B組:
葡萄牙
荷蘭
丹麥
德國

今屆歐國盃焦點係晒B組,因為呢組同時有兩支奪標大熱荷蘭、德國,仲有擁有當今球壇最炙手可熱的球星,基斯坦奴朗拿度的葡萄牙,還有在外圍賽力壓葡萄牙的黑馬丹麥。就陣容實力和過往大賽成績來睇,德國同荷明顯高出一班,而另外兩支球隊,葡萄牙隊就過於依賴C朗的個人能力,丹麥三線都比其他三隊弱。
葡萄牙

葡萄牙在外圍賽只能以附加賽兩回合大勝波斯尼亞晉級,球隊太依賴C朗是一大問題,C朗個人能力雖強,但如果缺乏中場有力的支援或狀態不佳的時候,葡萄牙就會陷入癱瘓。如果主教練羅賓圖能夠善用一眾新生代球員,如美利拉斯、蘭尼及哥恩達奧,為C朗分擔重任,葡萄牙或許會走得更遠,否則葡萄牙想在這一組脫穎而出可謂頗有難度,不說德荷兩大熱門,甚至另一對手丹麥在預選賽中就曾讓葡萄牙吃盡苦頭,所以葡萄牙在死亡小組的情況並不被人所看好。

要証明自己更勝美斯,今屆歐國盃就係時候

榮譽:
世界盃決賽週
參賽次數 5 (1966年首次參賽)
最佳成績 季軍,1966年

歐洲國家盃
參賽次數 5(1984年首次參賽)
最佳成績 亞軍,2004年

荷蘭

無冕之王荷蘭每次大賽都有出色的發揮,但總係無緣冠軍,唯一一次例外是在1988年歐國盃,佢地決賽以2-0擊敗前蘇聯獲得唯一一座歐國盃冠軍。荷蘭從來不缺乏出色的球員,今次呢支橙軍都唔例外,攻擊線上擁有洛賓、雲佩斯、亨特拉爾,中場亦有雲達華治、史奈達負責派牌,陣容強大。外圍賽10戰攻入37球僅失8球,冠絕整個歐國盃外圍賽,前鋒亨特拉爾在外圍賽貢獻12球,效率驚人;而雲佩斯今季在英超狀態大勇,所以今屆荷蘭火力之強勁只有德國及西班牙能與之媲美。他們小組賽第一戰的對手就是丹麥隊,是必須勝出的比賽,因為第二場與德國的比賽,荷蘭相信無十足的把握能夠拿下,所以在死亡之組的比賽,荷蘭人需要把每場比賽都當決賽打。

呢隊荷蘭真係唔講得笑

榮譽:
世界盃決賽週
參賽次數 9次 ([[1934年世界盃足球賽|1934年]]首次參賽)
最佳成績 亞軍,1974年、1978年、2010年

歐洲國家盃
參賽次數 8次(1976年首次參賽)
最佳成績 冠軍,1988年

丹麥

丹麥隊最鼎盛的時期是90年代初,1992年在瑞典舉辦的歐洲國家盃上更以2:0擊敗德國奪得第一次也是至今唯一一次歐國盃冠軍。雖然近年丹麥的人腳大不如前,但在歐國盃外圍賽力壓葡萄牙以首名資格晉級,實力絕不能少覷。丹麥一向予人實不華之感,8場外圍賽入15球僅失6球,係力壓葡萄牙出線的主因。隊中也不乏球迷們所熟知的球星,如賓特拿、羅美度、丹尼爾艾格、佐贊臣等。而目前球隊最火的球員就係中場小將C.艾歷臣,年僅20歲的佢已經吸引多支豪門注意,今屆歐國盃在公在私一定全力出擊,毫不留情,所以這支丹麥國家隊還是值得期待的。雖然丹麥在這小組中可以說是最弱的,但丹麥自古以來便擁有黑馬的傳統,唔知今屆歐國盃又能否再現黑馬本色?

歐國盃唔好再做「中堅賓」啦

榮譽:
世界盃決賽週
參賽次數 4 (1986年首次參賽)
最佳成績 八強,1998年

歐洲國家盃
參賽次數 8(1964年首次參賽)
最佳成績 冠軍,1992年

洲際國家盃
參賽次數 1(1995年首次參賽)
最佳成績 冠軍,1995年

德國

經過二千年初青黃不接期後,德國係2006世界盃起成績穩步上揚,獲得兩次世界盃季軍,以及上屆歐國盃決賽僅負西班牙。德國係外圍賽10戰全勝殺入決賽周,氣勢凌厲,呢支德國隊無論前、中、後及龍門的人腳都係世界頂級的。因為呢支德國人腳咁齊,所以除了一貫的穩固防守外,進攻亦都好立體,中場擁有奧斯爾、馬里奧葛斯及馬高列奧斯等技術型球員,前線的高路斯、高美斯頭頂腳踢皆精,真係「瓣瓣有」,要快有快,要高空攻勢有高空攻勢,真係對住任何一隊都有制勝的方法。雖然如此,但其實三場小姐並不易打,佢地最關鍵的比賽,唔係同荷蘭的四強甚至係決賽前哨戰,而是第一場與葡萄牙的比賽,只要佢地確保能拿下對手,出線形勢就會變得明朗。至於第二場與荷蘭的比賽,應該就係決定小組的排名。而第三場同丹麥的比賽,都不好打,所以第一場比賽對他們來說至關重要。

呢隊真係勁爆隊,你地唔好令球迷失望呀

榮譽:
世界盃決賽週
參賽次數 17 (1934年首次參賽)
最佳成績 冠軍,1954年、1974年、1990年

歐洲國家盃
參賽次數 10(1972年首次參賽)
最佳成績 冠軍,1972年、1980年、1996年

洲際國家盃
參賽次數 2(1999年首次參賽)
最佳成績 季軍,2005年

如果喜歡我們的文章,請即分享到︰

標籤: 歐國盃  葡萄牙  德國  丹麥  荷蘭  

留言


請按此登錄後留言。未成為會員? 立即註冊
    快捷鍵:←
    快捷鍵:→