本田圭佑轉行做 YouTuber?

球迷分享站 於 11/07/2019 發表 收藏文章
球壇中有唔少球星都擁有足球以外嘅才能,甚至係副業。有人賣紅酒,有人讀經濟學碩士,有人做環保生意做到上億歐元,亦有唔少球星平時會開台直播打機。一向令人意想不到嘅日本球星本田圭佑平時又會做啲咩呢?


33歲嘅本田圭佑曾經效力AC米蘭等球會,成為日本一代足球巨星,佢上季去到澳洲加盟墨爾本勝利。令人意想不到嘅係,佢喺澳職征戰嘅同時,竟然仲出任埋柬埔寨國家隊主帥一職。球員兼教練並唔罕見,但喺兩地分別擔任呢兩個崗位,仲要執教國家隊,就真係奇喇!


「Honda仔」啱啱已經完成同墨爾本勝利嘅合約,離開咗球會,不斷挑戰自我嘅佢當然又有新搞作,原來佢已經開設個人YouTube頻道,成為一名 YouTuber 。

科技公司AnyMind Group今天宣布,委任球星本田圭佑為集團顧問,而佢亦入股投資呢一間公司。「Honda仔」將會同旗下從事網紅推廣科技嘅子公司CastingAsia合作,開設個人YouTube頻道。雖然暫時未知「Honda仔」嘅YouTube頻道會拍啲咩類型嘅片,不過佢就表示:「我不會為自己設下任何限制。我希望通過YouTube平台進行不同的挑戰,以一個『挑戰者』的身分積極地帶動更多人挑戰自我。」

想睇「Honda仔」有咩新發展?Subscribe定佢channel先啦!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→