有咩比細哨一場入兩球罰更厲害？就係一場入三個罰球！ 精選

琴日出咗一段細哨朗拿甸奴响一場巴甲比賽中連入兩個罰球，當今世上來講已經好厲害！但其實响佢之前有一個罰球王仲厲害，因為佢試過一場入3個罰球，佢係邊個？咪就係一代罰球大師米赫洛域囉！

米赫洛域响1998年12月代表拉素出戰對森多利亞嘅意甲，當時「左腳罰球王」响同一場比賽射入3球罰球完成帽子戲法，可以話係前無古人、暫亦無來者，可見其罰球之厲害！

http://www.youtube.com/watch?v=LTN54vUayCM
米赫洛域早期司職左翼，後轉打左閘，响前南斯拉夫聯賽球會紅星隊成名後，於1992年登陸意甲，曾先後效力於羅馬、森多利亞、拉素同國際米蘭等著名勁旅，於職業生涯中共响意甲轟入27個罰球。