一季轉眼已過，曼聯戰績不如人意，以58分0得失球完成賽季，創1990年新低，球季過程一波三折，曼迷只能依靠偶然嘅勝利及時行樂。曼聯本身嘅問題並未解決，更於球季途中一一浮現，最終災難地收場。
【👑球王回歸】
英超開季，曼聯以玫瑰打吡大勝列斯聯揭開序幕，其後C朗回歸奥脱福嘅第一場比賽，面對紐卡素射入最重要嘅頭兩個入波，助球隊大勝4-1。C朗回歸曼聯展現球王本色，相信係曼迷夢寐以求嘅時刻。C朗嘅回歸，曾經令球迷對曼聯今季抱有憧憬。
【❌接連失利】
可惜地，C朗回歸嘅第一場比賽，可能已經係曼迷今季最有希望嘅時刻。蘇斯克查及其團隊帶領球隊改善嘅進度比想像中緩慢，而C朗對球隊士氣嘅影響力亦不及想像中正面，未能激起隊友鬥志之餘，甚至喺逆境波嘅情況下屢次黑面同發脾氣，傷及眾將士氣。
蘇斯克查麾下，球隊戰術同用人未夠靈活，訓練水平未及競爭對手，令球員體能狀態同技術發揮不穩。曼聯早於英聯盃第三圈不敵韋斯咸出局，而歐聯分組賽就要依靠C朗三次單天保至尊而晉級。英超方面，曼聯面對競爭對手接連失利，2-4不敵李斯特城、主場被利物浦炒五蛋、被曼城輕取兩球，令蘇斯克查帥位受到動搖。十月尾作客大勝更為低迷嘅熱刺曾經係蘇帥嘅還魂丹，但其之後帶隊作客1-4輸俾如今降班嘅屈福特，令管理層不得不解僱呢位名宿領隊。【👍卡域克短暫接手】
蘇斯克查落台之後，其副手卡域克作為代領隊帶領曼聯迎接三場大戰，曾擊敗維拉利爾同阿仙奴，亦逼和車路士，表現得到頗高評價，有人甚至認為卡域克戰術有費格遜嘅影子，可惜其不久之後跟隨蘇斯克查離隊，未能協助下一任領隊蘭歷克。
【⚽️理論同實踐嘅距離】
12月2日，「德國教父」蘭歷克上任成為看守領隊，其壓迫哲學享負盛名，唔少人期待蘭sir 能助曼聯對症下藥，改善曼聯壓迫能力。不過，理論同實踐有一定嘅距離，執行壓迫戰術需要球員擁有足夠體能。曼聯嘅壓迫喺面對水晶宮嘅比賽可算曇花一現，其後面對韋斯咸下半場賭博性地轉成424陣型後，絕殺對手令人難忘。不過之後都未有見到蘭sir麾下嘅曼聯，能夠以壓迫戰術食糊，其煞科戰後提到因球員未能執行而中途放棄使用壓迫戰術，或多或少同欠缺足夠體能有關。雖然蘭歷克同蘇斯克查一樣欠缺輪換，但蘭歷克上任後欠缺時間磨合同訓練唔同嘅球員組合，可以理解。
球隊欠缺體能狀態，蘭歷克未能發揮其壓迫踢法嘅長處，蘭sir 並唔擅長帶領球隊面對常見嘅主攻陣地戰。曼聯「攻不銳」之下仍以進取嘅陣容迎戰，自然亦「守不穩」，只能偶爾靠球員發揮（C朗發威居多）取勝，如C朗帽子戲法助球隊擊敗熱刺。當球員體能狀態不佳，未能把握機會，足總盃就被英冠嘅米杜士堡爆冷淘汰。
自從歐聯十六強不敵馬體會出局，曼聯軍心潰散，同前四漸行漸遠，被利物浦同白禮頓分別大炒四球，被愛華頓、阿仙奴同水晶宮擊敗。季尾能夠令曼迷滿意嘅比賽，恐怕只有馬達同馬迪兩位老臣子正選之下，以3-0大勝賓福特嘅主場謝幕戰。最終曼聯以球隊於英超時代最低紀錄嘅58分完成聯賽，仍然得到歐霸資格算係好彩。
【👍進行改革】
經歷災難般嘅球季，相信球隊上下都意識到問題嘅存在。曼聯由上而下正在改革，希望過度商業化、破壞薪酬框架、轉會操作遲緩等問題早日解決。更衣室方面，資歷較深嘅兩位西班牙老將馬達同迪基亞，分別忍唔住公開批評球員嘅訓練同比賽態度，呢個或者係否極泰來嘅訊號，小弟認為球員需要聚首一堂以呢種誠實嘅態度討論問題。至於戰術嘅層面，雖說坦克被譽為「垂直版tiki-taka」嘅戰術概念能令球隊組織力大大提升，亦符合球隊面對主攻陣地戰嘅需求，但尋找適合人選進行收購，再訓練嘅過程需要時間，曼聯球迷還需耐性。觀乎坦克積極嘅工作態度，相信下個球季會有一定進展。
歡迎大家支持本文合作夥伴 @redunited.hk
【👑球王回歸】
英超開季，曼聯以玫瑰打吡大勝列斯聯揭開序幕，其後C朗回歸奥脱福嘅第一場比賽，面對紐卡素射入最重要嘅頭兩個入波，助球隊大勝4-1。C朗回歸曼聯展現球王本色，相信係曼迷夢寐以求嘅時刻。C朗嘅回歸，曾經令球迷對曼聯今季抱有憧憬。
【❌接連失利】
可惜地，C朗回歸嘅第一場比賽，可能已經係曼迷今季最有希望嘅時刻。蘇斯克查及其團隊帶領球隊改善嘅進度比想像中緩慢，而C朗對球隊士氣嘅影響力亦不及想像中正面，未能激起隊友鬥志之餘，甚至喺逆境波嘅情況下屢次黑面同發脾氣，傷及眾將士氣。
蘇斯克查麾下，球隊戰術同用人未夠靈活，訓練水平未及競爭對手，令球員體能狀態同技術發揮不穩。曼聯早於英聯盃第三圈不敵韋斯咸出局，而歐聯分組賽就要依靠C朗三次單天保至尊而晉級。英超方面，曼聯面對競爭對手接連失利，2-4不敵李斯特城、主場被利物浦炒五蛋、被曼城輕取兩球，令蘇斯克查帥位受到動搖。十月尾作客大勝更為低迷嘅熱刺曾經係蘇帥嘅還魂丹，但其之後帶隊作客1-4輸俾如今降班嘅屈福特，令管理層不得不解僱呢位名宿領隊。【👍卡域克短暫接手】
蘇斯克查落台之後，其副手卡域克作為代領隊帶領曼聯迎接三場大戰，曾擊敗維拉利爾同阿仙奴，亦逼和車路士，表現得到頗高評價，有人甚至認為卡域克戰術有費格遜嘅影子，可惜其不久之後跟隨蘇斯克查離隊，未能協助下一任領隊蘭歷克。
【⚽️理論同實踐嘅距離】
12月2日，「德國教父」蘭歷克上任成為看守領隊，其壓迫哲學享負盛名，唔少人期待蘭sir 能助曼聯對症下藥，改善曼聯壓迫能力。不過，理論同實踐有一定嘅距離，執行壓迫戰術需要球員擁有足夠體能。曼聯嘅壓迫喺面對水晶宮嘅比賽可算曇花一現，其後面對韋斯咸下半場賭博性地轉成424陣型後，絕殺對手令人難忘。不過之後都未有見到蘭sir麾下嘅曼聯，能夠以壓迫戰術食糊，其煞科戰後提到因球員未能執行而中途放棄使用壓迫戰術，或多或少同欠缺足夠體能有關。雖然蘭歷克同蘇斯克查一樣欠缺輪換，但蘭歷克上任後欠缺時間磨合同訓練唔同嘅球員組合，可以理解。
球隊欠缺體能狀態，蘭歷克未能發揮其壓迫踢法嘅長處，蘭sir 並唔擅長帶領球隊面對常見嘅主攻陣地戰。曼聯「攻不銳」之下仍以進取嘅陣容迎戰，自然亦「守不穩」，只能偶爾靠球員發揮（C朗發威居多）取勝，如C朗帽子戲法助球隊擊敗熱刺。當球員體能狀態不佳，未能把握機會，足總盃就被英冠嘅米杜士堡爆冷淘汰。
自從歐聯十六強不敵馬體會出局，曼聯軍心潰散，同前四漸行漸遠，被利物浦同白禮頓分別大炒四球，被愛華頓、阿仙奴同水晶宮擊敗。季尾能夠令曼迷滿意嘅比賽，恐怕只有馬達同馬迪兩位老臣子正選之下，以3-0大勝賓福特嘅主場謝幕戰。最終曼聯以球隊於英超時代最低紀錄嘅58分完成聯賽，仍然得到歐霸資格算係好彩。
【👍進行改革】
經歷災難般嘅球季，相信球隊上下都意識到問題嘅存在。曼聯由上而下正在改革，希望過度商業化、破壞薪酬框架、轉會操作遲緩等問題早日解決。更衣室方面，資歷較深嘅兩位西班牙老將馬達同迪基亞，分別忍唔住公開批評球員嘅訓練同比賽態度，呢個或者係否極泰來嘅訊號，小弟認為球員需要聚首一堂以呢種誠實嘅態度討論問題。至於戰術嘅層面，雖說坦克被譽為「垂直版tiki-taka」嘅戰術概念能令球隊組織力大大提升，亦符合球隊面對主攻陣地戰嘅需求，但尋找適合人選進行收購，再訓練嘅過程需要時間，曼聯球迷還需耐性。觀乎坦克積極嘅工作態度，相信下個球季會有一定進展。
歡迎大家支持本文合作夥伴 @redunited.hk
請按此登錄後留言。未成為會員? 立即註冊