打破框框 ! 進化到極致 ! 哥迪奧拿去到歐聯變成挑戰者有另一考驗 精選

⛵🧠
哥迪奧拿，喺帶領球隊踢出控球主攻踢法方面，早已經係極致。由巴塞、拜仁以至曼城，「哥家班」攻擊火力都係世上數一數二，藉此獲獎無數。然而，哥帥並冇停下進化嘅腳步，唔少比賽可見實驗痕跡。擁有得天獨厚嘅資源 (唔止係錢，仲有優秀嘅轉會團隊)，加上不斷成長嘅態度，逐漸打破「主攻」、「短傳」、「幼細」等…框框，令其戰術概念方面更加極致。

🧠💪進化過程大概係咁：
哥帥近年助曼城加強防守，減少「頭重腳輕」問題，必要時踢出具有效率嘅防守反擊，結合原本控球能力，進可攻退可守。
今季，神鋒夏蘭特加盟之下，球隊可以更多著墨喺後場。三個中堅甚至四個中堅同時上陣，防守同控球更加穩陣。前面嘅雙子星(迪布尼同夏蘭特)，令銳利度有增無減。剩下嘅疑問，可能只係夏蘭特嘅個人能力，能否取代以往球隊解破密集防守嘅能力。
🧠🧠🧠徒弟們出類拔萃
如今哥帥嘅徒弟們亦出類拔萃，阿迪達麾下阿仙奴長時間佔榜首，沙維帶領巴塞重奪西甲高唱入雲，甘賓尼嘅般尼已經係英冠冠軍。但論概念，似乎有排學/有排研究。

⛵🧠變成挑戰者
講咁多，大家可能會諗曼城都仲未攞過歐聯。去到歐聯，曼城無疑係今屆大熱門，但佢哋將會變成挑戰者，挑戰歐聯長期霸主皇馬，有如琴晚阿仙奴挑戰自己，到時心態同臨場反應方面 (which is 皇馬最強嘅地方)，亦係關鍵。