球王再聚丨唔再肉緊，而係享受 精選

⚽️👑⚽️👑
兩大球王重遇、皇馬舊隊友之間嘅聚會、偶像與粉絲再次相遇……係開心，亦係享受嘅。
球員間面帶笑容，時常津津樂道，小弟作為球迷睇得津津有味。

賽果係點其實無所謂，最緊要過程令人過足癮。兩位球王先禮後兵，握手搭膊頭後開波，美斯引球避開C朗，唔夠3分鐘美斯便打開記錄。

其後拿華斯手槌拳打舊隊友C朗輸十二碼，令C朗只用34分鐘就可以第一次喺沙地球迷面前Siuuuuuu!!!!

兩隊你來我往，巴黎左閘貝拿特攞紅牌「提早收工」，尼馬十二碼宴客，令比賽更加緊湊。

C朗施展彈跳力頭鎚頂中柱，好兄弟拉莫斯解圍踢空氣，球王左腳補射梅開二度。加上麥巴比、張賢秀、伊基迪克、達利斯卡、巴黎兩位帶刀待衛馬昆奴斯同拉莫斯各入一球，最後巴黎以5-4戰勝利雅德明星隊。
今次球王對決，特別嘅係大家唔再緊張，唔再肉緊，而係開心、輕鬆咁享受整個過程，好勝心強如C朗，亦頻繁地「放電」，微笑、飛吻、單眼……應有盡有。如果將來美斯C朗再無對決，今次重聚，正好作為時代嘅謝幕。