上周未，新一季英超終於開鑼。早前唔同平台都各有前瞻同評論，至於小弟就遲到好過冇到，今篇將會分享超級電腦嘅預測，再作分析。
來自Opta The Analyst 超級電腦嘅預測，主要基於賠率同Stat Perform嘅排名衡量球隊能力，再將整個賽程模擬幾千次。賠率同排名主要基於之前同最近嘅表現。值得一提，超級電腦早前成功預測英格蘭女子隊贏得歐國盃，讓足球回家。
爭冠方面
先講爭冠方面，主要都係利物浦同曼城兩頭馬車。超級電腦稍稍睇好利記，有49.72%機會奪冠，而曼城都有47.03%機會。相比上一季（2021-22）來自同一個平台，一面倒睇好曼城嘅預測（77.1%奪冠機會），超級電腦認為兩隊今季更有可能由頭到尾叮噹馬頭。值得留意，冬季轉會窗可能係爭冠形勢嘅轉折點，上季季中利記買入迪亞斯，同時曼城放走費倫托利斯。前線尖刀一加一減，相信係利記將8分分差拉近至1分嘅主因之一。上季若非冬季轉會窗嘅變數，超級電腦一面倒嘅預測，應已應驗。
歐聯席位
爭四方面，預測結果顯示利記曼城九成九「入硬」下季歐聯，熱刺（70.07%）同車路士（62.46%），機率高過曼聯（25.56%）同阿仙奴（22%）。兩支黑馬紐卡素（5.03%）同韋斯咸（4.93%）機率上同Big 6 球隊有一段距離。
🐓熱刺大刀闊斧血拼，班底比上季深厚唔少。雖然晉身歐聯後體能負擔會比上季征戰歐協聯大，但相信只要干地連同其團隊做好體能流放，定能將轉會操作嘅效果帶到英超戰線。
🦁車路士管理層處於交接期，反而令杜曹同老細保希利溝通嚟得直接。車仔由熱身賽至英超開鑼發揮一般，但以歐聯冠軍班底，教練同球員嘅能力而言，依然可以被睇高一線。
🔴⚪️阿仙奴轉會操作對症下藥，其中阿迪達兩名舊部下捷西斯同施真高嘅加盟，正正提升到上季相弱嘅位置，亦係「即插即用」。另外沙利巴強勢回歸阿記，有望穩固防線。小弟個人認為阿記爭四機會應該高過坦克麾下，千瘡百孔而剛剛開始整頓嘅曼聯。
護級戰團
降班區方面，有六隊降班機率相對較大，包括三隊升班馬般尼茅夫（45.03%）、諾定咸森林（44.47%）、富咸（43.83%），以及修咸頓（34.23%）、賓福特（31.85%）同列斯聯（31.24%）。相比上季屈福特（62.9%）同諾域治（61.2%）超過六成嘅降班機會，今季下游球隊降班機率更加平均。今季護級戰團已有六隊且未有「降班穩膽」，加上可能再有類似上季列斯聯同愛華頓，突然下滑嘅情況，相信降班漩渦嘅生死鬥爭將會更加緊張刺激。
以上就係關於超級電腦預測英超球季嘅分享，至於小弟自己嘅睇法，留返之後再講。希望大家多多支持！撳多幾個掣，俾多幾個鼓勵！(例如「訂閱」掣，同埋follow IG: @football_era_talking)
來自Opta The Analyst 超級電腦嘅預測，主要基於賠率同Stat Perform嘅排名衡量球隊能力，再將整個賽程模擬幾千次。賠率同排名主要基於之前同最近嘅表現。值得一提，超級電腦早前成功預測英格蘭女子隊贏得歐國盃，讓足球回家。
爭冠方面
先講爭冠方面，主要都係利物浦同曼城兩頭馬車。超級電腦稍稍睇好利記，有49.72%機會奪冠，而曼城都有47.03%機會。相比上一季（2021-22）來自同一個平台，一面倒睇好曼城嘅預測（77.1%奪冠機會），超級電腦認為兩隊今季更有可能由頭到尾叮噹馬頭。值得留意，冬季轉會窗可能係爭冠形勢嘅轉折點，上季季中利記買入迪亞斯，同時曼城放走費倫托利斯。前線尖刀一加一減，相信係利記將8分分差拉近至1分嘅主因之一。上季若非冬季轉會窗嘅變數，超級電腦一面倒嘅預測，應已應驗。
歐聯席位
爭四方面，預測結果顯示利記曼城九成九「入硬」下季歐聯，熱刺（70.07%）同車路士（62.46%），機率高過曼聯（25.56%）同阿仙奴（22%）。兩支黑馬紐卡素（5.03%）同韋斯咸（4.93%）機率上同Big 6 球隊有一段距離。
🐓熱刺大刀闊斧血拼，班底比上季深厚唔少。雖然晉身歐聯後體能負擔會比上季征戰歐協聯大，但相信只要干地連同其團隊做好體能流放，定能將轉會操作嘅效果帶到英超戰線。
🦁車路士管理層處於交接期，反而令杜曹同老細保希利溝通嚟得直接。車仔由熱身賽至英超開鑼發揮一般，但以歐聯冠軍班底，教練同球員嘅能力而言，依然可以被睇高一線。
🔴⚪️阿仙奴轉會操作對症下藥，其中阿迪達兩名舊部下捷西斯同施真高嘅加盟，正正提升到上季相弱嘅位置，亦係「即插即用」。另外沙利巴強勢回歸阿記，有望穩固防線。小弟個人認為阿記爭四機會應該高過坦克麾下，千瘡百孔而剛剛開始整頓嘅曼聯。
護級戰團
降班區方面，有六隊降班機率相對較大，包括三隊升班馬般尼茅夫（45.03%）、諾定咸森林（44.47%）、富咸（43.83%），以及修咸頓（34.23%）、賓福特（31.85%）同列斯聯（31.24%）。相比上季屈福特（62.9%）同諾域治（61.2%）超過六成嘅降班機會，今季下游球隊降班機率更加平均。今季護級戰團已有六隊且未有「降班穩膽」，加上可能再有類似上季列斯聯同愛華頓，突然下滑嘅情況，相信降班漩渦嘅生死鬥爭將會更加緊張刺激。
以上就係關於超級電腦預測英超球季嘅分享，至於小弟自己嘅睇法，留返之後再講。希望大家多多支持！撳多幾個掣，俾多幾個鼓勵！(例如「訂閱」掣，同埋follow IG: @football_era_talking)
請按此登錄後留言。未成為會員? 立即註冊