一年前，擁有美斯嘅阿根廷贏得美洲盃冠軍，打破大國腳錦標荒，阿根廷球迷二十八年嘅等待終於結束。
美斯嘅國際賽生涯，似係一個有齊起承轉合嘅故事。一個天才初出茅廬就贏得世青盃冠軍，其後08年奧運亦為國奪得金牌。初期嘅風光帶來期待，同時帶來壓力，戴着阿根廷隊長臂章嘅美斯，總係好似孭住無形嘅重擔。之後十年，就係跌跌撞撞嘅過程，南非世界盃被德國大炒四蛋出局，四年後巴西世界盃屈居亞軍，緊接連續兩年美洲盃只差一步。18年世界盃，一代國腳年華老去，球隊表現吃力，阿根廷離冠軍越嚟越遠。
人生如戲，看似絕望嘅時候，總有機會否極泰來。上屆世界盃過後，史卡朗尼上任成為阿根廷主教練，助球隊更新換代。幾年間，羅美路、蒙迪拿、迪保羅、柏利迪斯、洛迪古斯、高美斯、盧斯素、幾位馬天尼斯（拿達路、伊美、連山度）等後起之秀逐漸成熟。可幸美斯踏入30歲前改善飲食習慣，加上每日做超過一個鐘伸展，令自己保持狀態。
喺史卡朗尼麾下，阿根廷進退有度，防守具整體性而緊密，進攻時隊友嘅走位，往往能拉扯出空間助美斯充分發揮。美斯近年國家隊比賽嘅數據依然係「carry全隊」，但實情係美斯同隊友們相輔相成嘅成果。
2021年7月10日，阿根廷作客馬拉簡拿球場，憑迪馬利亞一記笠射入波擊敗宿敵巴西，捧走美洲盃。從前功敗垂成嘅失落同掙扎，已經成為美斯國家隊生涯故事嘅鋪墊。從前嘅挫折，令冠軍來得更具意義。今年，阿根廷保持美洲盃冠軍踢法，持續強勢，維持不敗。六月初「王中王」對決擊敗意大利，令士氣再次提升。其後一眾國腳及其家庭到西班牙伊微沙島同渡暑假，相信有團建之效。
相比列強，相信早有默契嘅阿根廷，備戰年尾世界盃嘅進度相對領先。喺開鑼前只有一周準備嘅情況下，本身「夾開」嘅默契相當重要。希望阿根庭眾將放下冠軍荒包袱之後，去到卡塔爾能發揮所有，全心全意追夢！ 
美斯嘅國際賽生涯，似係一個有齊起承轉合嘅故事。一個天才初出茅廬就贏得世青盃冠軍，其後08年奧運亦為國奪得金牌。初期嘅風光帶來期待，同時帶來壓力，戴着阿根廷隊長臂章嘅美斯，總係好似孭住無形嘅重擔。之後十年，就係跌跌撞撞嘅過程，南非世界盃被德國大炒四蛋出局，四年後巴西世界盃屈居亞軍，緊接連續兩年美洲盃只差一步。18年世界盃，一代國腳年華老去，球隊表現吃力，阿根廷離冠軍越嚟越遠。
人生如戲，看似絕望嘅時候，總有機會否極泰來。上屆世界盃過後，史卡朗尼上任成為阿根廷主教練，助球隊更新換代。幾年間，羅美路、蒙迪拿、迪保羅、柏利迪斯、洛迪古斯、高美斯、盧斯素、幾位馬天尼斯（拿達路、伊美、連山度）等後起之秀逐漸成熟。可幸美斯踏入30歲前改善飲食習慣，加上每日做超過一個鐘伸展，令自己保持狀態。
喺史卡朗尼麾下，阿根廷進退有度，防守具整體性而緊密，進攻時隊友嘅走位，往往能拉扯出空間助美斯充分發揮。美斯近年國家隊比賽嘅數據依然係「carry全隊」，但實情係美斯同隊友們相輔相成嘅成果。
2021年7月10日，阿根廷作客馬拉簡拿球場，憑迪馬利亞一記笠射入波擊敗宿敵巴西，捧走美洲盃。從前功敗垂成嘅失落同掙扎，已經成為美斯國家隊生涯故事嘅鋪墊。從前嘅挫折，令冠軍來得更具意義。今年，阿根廷保持美洲盃冠軍踢法，持續強勢，維持不敗。六月初「王中王」對決擊敗意大利，令士氣再次提升。其後一眾國腳及其家庭到西班牙伊微沙島同渡暑假，相信有團建之效。
相比列強，相信早有默契嘅阿根廷，備戰年尾世界盃嘅進度相對領先。喺開鑼前只有一周準備嘅情況下，本身「夾開」嘅默契相當重要。希望阿根庭眾將放下冠軍荒包袱之後，去到卡塔爾能發揮所有，全心全意追夢！
請按此登錄後留言。未成為會員? 立即註冊