〔英超: 曼城 1-0 車路士 賽後文章〕曼城發揮依舊良好 車路士受體能限制僅負一球

英超爭冠大戰,曼城主場一球小勝車路士,將榜首優勢拉開至13分。
🦁體能限制下能製造機會
車路士因為過去嘅周中喺聯賽盃大戰熱刺,體能狀態不及聯賽盃一早出局嘅曼城,所以車仔可以同對方對攻抗衡嘅時間有限。球隊今場用三中堅陣3421應戰,以防反踢法為主。上下半場早段尚有體力之時,球隊能以中線壓迫搶奪反擊機會,可惜未能把握。
🦁緊密包圍令「弱邊」空間暴露
車仔大部份時間防守嘅包圍做得充足。不過,有時因要保持緊密度,避免俾到空間曼城球員發揮體能優勢,以個人能力或快速配合「爆」入禁區,車仔防守隊型會傾側一邊,而「弱邊」難免會暴露空間,簡些路曾因此輕鬆推入禁區底線,製造近門機會。不過,哥迪奧拿未有針對性地安排曼城球員更多使用轉邊突破,而用原本嘅小泛圍配合滲入 halfspace 亦有良好效果。

⛵🦁對攻
杜曹下半場作出前線嘅調動,換入雲拿同奧杜爾,希望搏一搏同曼城對攻,但隨即就被迪布尼禁區頂射入世界波。呢球車仔防守人數尚算足夠,只係因隊形擴張而少了禁區頂既保護,而迪布尼真係有級數。其後車路士同曼城繼續對攻,中後場球員體能下降之下,難免有更多被侵襲嘅風險 (就如迪布尼入球前帶球推過簡迪嘅防守),但前線調動過後亦曾製造了入球機會如雲拿小禁區前射門省中拿樸迪,以及艾斯派古達右路地波傳中,可惜最終無功而返。
發揮依舊
曼城今場球隊發揮依舊,控球在腳時消耗車仔唔少體力,係贏波嘅基礎。史達寧、科頓、基亞利殊、迪布尼、貝拿度施華加上後上助攻嘅左右兩閘簡些路同卡爾獲加,縱橫交錯嘅前場組織效果良好,幾次滲入車仔嚴防陣地,雖然球隊未能以組織滲入帶來入球,但仲有迪布尼頂級嘅發揮,為球隊帶來勝利。賽後曼城喺聯賽榜領先13分,英超爭冠可謂高唱入雲。

留言


請按此登錄後留言。未成為會員? 立即註冊
    快捷鍵:←
    快捷鍵:→