雞湯系列丨菲爾鍾斯以堅持同專注做好準備 迎接機會證明自己

曼聯於2022年第一場比賽,主場以0-1不敵狼隊。球隊表現不濟令曼迷失望,但同時有一個人,喺今場比賽帶來驚喜,講緊嘅係菲爾鍾斯。

菲爾鍾斯喺十年前加盟曼聯,近年因傷患而表現下滑,漸漸失去主力位置。上次鍾斯為曼聯一隊上陣,己經係2020年1月26日喺足總盃對燦美爾嘅比賽,其後再冇喺一隊上陣。

707日,將近兩年嘅時間,經歷咗好多事情,包括停賽期、宿敵利物浦贏英超冠軍、拜仁慕尼黑成為六冠王、歐國聯、歐超聯風波、歐國盃同美洲盃、奧運會嘅舉行等等..... 而曼聯就經歷咗國內兩個盃賽四強止步嘅球季,同歐霸屈居亞軍嘅球季,到今季就經歷C朗回歸、蘇斯克查下台。

而菲爾鍾斯喺近兩年間,哪怕曾被球隊名宿里奧費迪南強烈批評,指佢霸佔球隊嘅位置,佢仍一直堅持苦練,未有因為前輩言語嘅壓力而退縮,為嘅就係等一次機會,證明自己。今日,鍾斯做到了,久違英超比賽嘅佢,成為了今場隊中球員評分較高既一個,亦得到廣大曼迷嘅認可。
鍾斯嘅故事,可見佢嘅堅持同專注,令佢能夠準備迎接機會嘅來臨。將呢個故事放喺大家嘅事業而言,當我哋面對低谷,與其怨天尤人,不如參考鍾斯,刻苦努力,盡量唔好被旁人嘅批評影響而退縮,保持專注,準備迎接機會到來,證明自己。
標籤: 英超  曼聯  菲爾鍾斯  里奧費迪南  

留言


請按此登錄後留言。未成為會員? 立即註冊
    快捷鍵:←
    快捷鍵:→