曼聯聘請了「德國教父」蘭歷克作為看守領隊，執教六個月至球季結束。雖然蘭歷克未曾教過頂級強隊，亦未贏過德甲或歐聯冠軍，但就喺德國以至歐聯球壇享負盛名，來頭不小。
⚽杜曹嘅伯樂，啟發了高普
從履歷同戰績而言，蘭歷克未算頂級教練。然而，現今嘅頂級教練高普同杜曹，分別從蘭歷克身上獲益良多。
蘭歷克曾執教德國第三級聯賽嘅球隊SSV Ulm 1846，當時球員時代嘅杜曹24歲時因嚴重膝傷而退役，其後於酒吧工作。後來，蘭歷克提拔了杜曹成為該隊 15歲以下青年隊(U15)嘅教練，杜曹嘅教練生涯因而開始，蘭歷克可謂杜曹嘅伯樂。
高普嘅戰術概念，同蘭歷克有莫大嘅關係。2001年高普執教緬恩斯時，曾致電蘭歷克尋求指導。2008年，高普帶領嘅多蒙特被蘭歷克帶領嘅賀芬咸大炒4-1，自此之後，高普便開始為球隊注入蘭歷克嘅高壓戰術Gegenpressing，從此踏上成功之路。
蘭歷克能給予後輩教練唔少幫助，日後於曼聯有望幫助經驗較為缺乏嘅教練團，提升訓練同指導球員執行戰術細節嘅能力。
⚽針對改善壓迫
蘇斯克查麾下嘅曼聯，往往缺少良好嘅前場壓迫，令中後場容易受壓。蘭歷克嘅逼搶概念正正能針對改善曼聯呢個問題。
壓迫嘅戰術耗費體能，而曼聯大部份位置有足夠班底輪換，預計蘭歷克任內，球員嘅輪換將大幅增加，雲迪碧克、馬達同拜利等蘇斯克查麾下嘅長期後備將得到更多出場機會。
👊要求更多權力
有指蘭歷克當初拒絕了曼聯看守領隊嘅工作，其後曼聯加入了新嘅條件，先令蘭歷克回心轉意。蘭歷克教完半季後將會成為球隊顧問，為期兩年。
曼聯解僱蘇斯克查時，干地已經成為熱刺領隊，施丹因為其老婆抗拒曼市而未有上任，而普捷天奴、羅渣士現時都有教職在身，蘭歷克作為短期內唯一可行嘅人選，談判嘅「牙力」自然強大，因此曼聯需要接受蘭歷克嘅要求。
蘭歷克曾分別為史特加發掘甘美治，為賀芬咸簽入費明奴，為薩爾斯堡紅牛簽入文尼。除此之外，現時炙手可熱嘅夏蘭特，亦係蘭歷克以前從挪威帶到薩爾斯堡紅牛。蘭歷克加盟曼聯之後，相信喺轉會方面有唔少話語權，而其目光有望幫助曼聯選擇合適嘅轉會目標。
蘭歷克加盟曼聯前，任職俄超球隊莫斯科火車頭嘅體育與發展總監，相信蘭歷克能以球隊顧問嘅影響力，令球隊嘅管理更有利於球隊嘅成績。
🏔️曾帶領唔同球隊登上高峰
蘭歷克嘅教練生涯中，曾帶領唔同嘅球隊創造歷史。蘭歷克曾助漢洛威升上德甲，曾帶領史浩克04奪德甲亞軍兼贏得德國盃，曾帶領賀芬咸上德乙，到了RB萊比錫幫助了哈辛嚇圖同尼高士文定下球隊嘅基礎。
來到曼聯，球隊嘅規模、歷史、球員嘅地位同名氣、球迷嘅要求等因素，相信會令蘭歷克有唔少挑戰。曾帶領唔同球隊登上高峰嘅蘭歷克，能否帶領曼聯重回高峰？小弟同大家一齊拭目以待！
歡迎大家支持本文合作夥伴 @redunited.hk
⚽杜曹嘅伯樂，啟發了高普
從履歷同戰績而言，蘭歷克未算頂級教練。然而，現今嘅頂級教練高普同杜曹，分別從蘭歷克身上獲益良多。
蘭歷克曾執教德國第三級聯賽嘅球隊SSV Ulm 1846，當時球員時代嘅杜曹24歲時因嚴重膝傷而退役，其後於酒吧工作。後來，蘭歷克提拔了杜曹成為該隊 15歲以下青年隊(U15)嘅教練，杜曹嘅教練生涯因而開始，蘭歷克可謂杜曹嘅伯樂。
高普嘅戰術概念，同蘭歷克有莫大嘅關係。2001年高普執教緬恩斯時，曾致電蘭歷克尋求指導。2008年，高普帶領嘅多蒙特被蘭歷克帶領嘅賀芬咸大炒4-1，自此之後，高普便開始為球隊注入蘭歷克嘅高壓戰術Gegenpressing，從此踏上成功之路。
蘭歷克能給予後輩教練唔少幫助，日後於曼聯有望幫助經驗較為缺乏嘅教練團，提升訓練同指導球員執行戰術細節嘅能力。
⚽針對改善壓迫
蘇斯克查麾下嘅曼聯，往往缺少良好嘅前場壓迫，令中後場容易受壓。蘭歷克嘅逼搶概念正正能針對改善曼聯呢個問題。
壓迫嘅戰術耗費體能，而曼聯大部份位置有足夠班底輪換，預計蘭歷克任內，球員嘅輪換將大幅增加，雲迪碧克、馬達同拜利等蘇斯克查麾下嘅長期後備將得到更多出場機會。
👊要求更多權力
有指蘭歷克當初拒絕了曼聯看守領隊嘅工作，其後曼聯加入了新嘅條件，先令蘭歷克回心轉意。蘭歷克教完半季後將會成為球隊顧問，為期兩年。
曼聯解僱蘇斯克查時，干地已經成為熱刺領隊，施丹因為其老婆抗拒曼市而未有上任，而普捷天奴、羅渣士現時都有教職在身，蘭歷克作為短期內唯一可行嘅人選，談判嘅「牙力」自然強大，因此曼聯需要接受蘭歷克嘅要求。
蘭歷克曾分別為史特加發掘甘美治，為賀芬咸簽入費明奴，為薩爾斯堡紅牛簽入文尼。除此之外，現時炙手可熱嘅夏蘭特，亦係蘭歷克以前從挪威帶到薩爾斯堡紅牛。蘭歷克加盟曼聯之後，相信喺轉會方面有唔少話語權，而其目光有望幫助曼聯選擇合適嘅轉會目標。
蘭歷克加盟曼聯前，任職俄超球隊莫斯科火車頭嘅體育與發展總監，相信蘭歷克能以球隊顧問嘅影響力，令球隊嘅管理更有利於球隊嘅成績。
🏔️曾帶領唔同球隊登上高峰
蘭歷克嘅教練生涯中，曾帶領唔同嘅球隊創造歷史。蘭歷克曾助漢洛威升上德甲，曾帶領史浩克04奪德甲亞軍兼贏得德國盃，曾帶領賀芬咸上德乙，到了RB萊比錫幫助了哈辛嚇圖同尼高士文定下球隊嘅基礎。
來到曼聯，球隊嘅規模、歷史、球員嘅地位同名氣、球迷嘅要求等因素，相信會令蘭歷克有唔少挑戰。曾帶領唔同球隊登上高峰嘅蘭歷克，能否帶領曼聯重回高峰？小弟同大家一齊拭目以待！
歡迎大家支持本文合作夥伴 @redunited.hk
請按此登錄後留言。未成為會員? 立即註冊