〔歐聯: 利物浦 2-0 馬德里體育會 賽後文章〕利物浦右路組合火力強大 馬體會防守陷於兩難 精選

歐聯分組賽第四輪，利物浦於晏菲路球場迎戰馬德里體育會。利記以2-0勝出，提早出線，而馬體會4戰過後得4分，位列小組第三。
雙方正選陣容:
🔴⚪馬體會部署比上一場對決更加進取

馬體會今場嘅部署比起上一輪兩隊嘅對決更加進取，爭取三分。球隊陣型由上一場嘅352轉成今場嘅343，施蒙尼收起了中場林馬，安排了哥利拿正選，與菲歷斯同卡拉斯高支援擔任正箭頭嘅蘇亞雷斯。今場可見左翼衛卡拉斯高向前衝擊左路時，左中堅靴莫素會走到左閘位置「逗住」，此時嘅陣型變成了4231。
靴莫素今場觸球位置熱圖:

雖然馬體會基礎陣型係三中堅343，但其正選球員偏向進攻型，令整體防守力有一定削弱，球隊相比上場對決，較難抵擋利記猛烈嘅進攻。

🔴⚪ 利記右路組合火力強大
高普麾下嘅利記以一貫嘅 433陣應戰，球員位置分配相對簡單，而精妙之處在於沙拿、軒達臣同阿諾，三人於右路嘅組織配合，於今季多次發揮強大嘅作用，包括今場嘅兩個入球。

🔴⚪ 馬體會陷於兩難

比賽早段兩隊互相對攻，走到左閘位置嘅靴莫素，難以招架沙拿嘅衝擊。不久之後利記一個攻勢，馬體會後防將注意力放在包夾沙拿同軒達臣，而較後位置阿諾有大片空間，接球傳中助攻祖達打開紀錄。馬體會單防難以應付沙拿，包夾卻睇漏了阿諾，可謂陷於兩難。
🔴⚪文尼狀態回勇，連同右路三人，製造第二個入球

文尼狀態回勇，今場多番成功突破，加強了球隊左右兩路對馬體會後防嘅拉扯。比賽第20分鐘，文尼左路引球推進內切，同右路三人合作製造第二個入球。
🔴⚪良好地控制戰局
利記今季嘅比賽中，球隊領先後會嘗試減少向前壓迫，更多收縮隊形同控球在腳以拖慢節奏，但有時會畀到對手進攻嘅空間，兩隊上一次對決中，馬體會因此可於上半場連入兩球迫和利記。今場利記沒有重滔覆轍，防守足夠緊密，控制戰局效果良好。

🔴⚪ 令比賽失去懸念嘅紅牌

36分鐘，文尼於後場推進反擊，馬體會中堅菲利比從後踩跌文尼，被罰紅牌出場。菲利比嘅犯規中，球證馬基利技術上可以將動作判斷為嚴重犯規，出示紅牌。而馬基利嘅決定亦合乎今場其嚴謹嘅標準。

馬體會踢少一人之下，比賽失去懸念。利物浦下半場不乏入球機會。而祖達同蘇亞雷斯各自曾經入球，但因越位而被判無效，最後嘅比數維持於 2-0。