〔西甲短評 : 巴塞隆拿 1-2 皇家馬德里〕上半場拉鋸之中 全能艾拿巴發威 下半場皇馬配合優於巴塞

上周日歐洲球壇連場大戰,利物浦血洗奧脫福成為頭條。除英超雙紅會之外,西班牙嘅國家打吡亦非常囑目。雖然沒有了美斯C朗兩大球王,星味難免下降,但打吡嘅戰況仍然緊湊。

今場兩隊同樣以 433陣型應戰,取態謹慎。兩隊都有以老帶新嘅元素,令球隊表現穩陣之餘,亦帶有年輕嘅衝擊力。雙方大部份時間互相控球在腳,巴塞取態稍為進取。

👑🔵🔴互相拉鋸
由於兩隊嘅隊形相當緊密,皇馬比較保守,巴塞有達斯轉打右翼,衝突力足夠,但組織主要都係集中於迪比同法迪嘅配合,變化不足。上半場兩隊互相拉鋸居多,較少出現短傳滲入嘅機會,偶有嘅快攻/反擊,往往更具威脅,巴塞上半場最大機會來自迪比轉身推入禁區橫傳俾達斯嘅機會,可惜僅僅射高。而皇馬嘅雲尼素斯為球隊帶來了強大牽制力,其盤扭突破令巴塞後防難以招架,文古沙禁區內用手阻止雲拿素斯推入心臟地帶,巴塞險輸十二碼。

👑全能艾拿巴發威
直到34分鐘,艾拿巴搶去迪比皮球,接着既反擊中,雲尼素斯將球串連上前,艾拿巴一鼓作氣衝入禁區,為洛迪高提供了賓斯馬以外另一個分球選擇,最終接應皮球一轟入網。艾拿巴唔止精通中後場各個位置,其進攻能力亦能帶來唔少影響力。

🔵🔴苦無辦法
半場過後,朗奴高文換入古天奴梳理組織,達斯移後到右閘位代替被換出嘅文古沙。下半場早段,巴塞製造到機會,但當皇馬適應了後,巴塞進攻効果漸漸下滑。古天奴的確令球隊中前場連接更好,但面對皇馬密集防守時欠缺翼鋒拉邊,兩閘艾巴同達斯於邊路苦無辦法,好多時只能勉強傳中。

👑皇馬配合優於巴塞
達斯回到右閘位置,相比文古沙,達斯較快嘅速度令其能更好地看管雲尼素斯。不過,當皇馬進攻時,良好嘅配合令球隊進攻効果優於巴塞。62分鐘,摩迪插入halfspace 差點助攻賓斯馬拉開比數。十分鐘後嘅一個反擊,雲尼素斯同文迪一個配合,文迪將球送到門前,只係賓斯馬早跑一步導致越位。

🔵🔴未能把握反擊嘅空間,隨即失球
比賽尾段,巴塞全力搶攻,曾令皇馬兩次於後場失控球,可惜未能把握反擊嘅空間,傳球失誤而未能製造機會,隨即被皇馬打一個反擊入波。

👑調動嘅効果
後備上陣嘅阿辛斯奧踢出了安察洛提調動嘅効果,喺體能優勢之下用速度推進反擊。阿辛斯奧入到禁射門被達史特根撲出,華斯基斯補中被拉開比數至 0-2。

🔵🔴對巴塞球迷嘅安慰
巴塞喺最後時刻,由傷癒復出嘅阿古路追近至1-2,阿古路展現嘅狀態唔錯,對巴塞球迷而言算係安慰,可惜追近嘅入球來得太遲,巴塞難逃國家打吡四連敗。

留言


請按此登錄後留言。未成為會員? 立即註冊
    快捷鍵:←
    快捷鍵:→