〔歐國盃八強短評〕 瑞士雖敗猶榮 捷克不幸落敗 英格蘭輕鬆取勝 難得淘汰賽大戰節奏快

瑞士1(1)-(3)1西班牙: 瑞士雖敗猶榮 值得掌聲
西班牙早段取得入球。瑞士進攻主將安保路23分鐘因傷退下火線,令球隊進攻衝擊力大減。西班牙希望保持控球,節省體能。不過到下半場因後場配合失誤而被沙基利追平。

77分鐘,瑞士嘅富拿紅牌被逐,球隊踢少一人之下只能死守。西班牙繼而圍攻瑞士,用到唔同嘅進攻方法,兩翼有拉邊,多次滲入禁區。瑞士能夠守到互射十二碼階段,令人意想不到,最後雖然落敗,但面對強大嘅對手、加上主將缺陣同踢少一人嘅因素,球隊憑整體嘅毅力,門將桑馬嘅超級表現死守至最後一刻,絕對值得掌聲。

捷克1-2丹麥: 捷克不幸落敗 丹麥勝利仍有說服力
捷克速度上不及丹麥。而陣地戰中,面對對方三位中堅陣,捷克主打高波效果一般,但下半場早段努力壓前之下,裝造到舒希克嘅追近嘅入波。可惜嘅係,一個早段因誤判以來嘅失波,令捷克唔能夠保守應戰,球隊被迫進攻,同輸反擊失第二球有一定關係,實在不幸。

丹麥雖有運氣,但勝利仍有說服力。今場面對捷克主要以防反應戰,展示到防守嘅穩定,用三中堅陣能抵擋對方大部份攻勢
進攻方面,正選+後備嘅反擊力量足夠持續製造機會。

烏克蘭0-4英格蘭: 烏克蘭中堅受傷 英格蘭輕鬆取勝
今場烏克蘭以三中堅陣應戰,先打防反,英格蘭係主攻一方。史達寧減少同蒙特換位,集中於左路活動,同梳爾合作,效果良好。英格蘭再次發揮細緻嘅組織,史達寧左邊內切,以精準直線助攻哈利簡尼打開紀錄。

35分鐘,烏克蘭三中堅之中,中間嘅Kryvtsov 因傷退下火線,高空防守能力下降,教練舒夫真高換入翼鋒Tsygankov,轉陣為433,壓上進攻,可惜未夠火候。其後烏克蘭球員體能下降之下受壓而收縮,英格蘭嘅麥佳亞、哈里簡尼同軒達臣,各入一球頭槌,大幅領先4-0。尾段修夫基連續換人,節省主力球員嘅體能,英格蘭輕鬆取勝。

比利時1-2意大利: 難得淘汰賽大戰節奏快
(比賽嘅評論內容己登於上篇文章,以下係小弟對於今場嘅感受)
淘汰賽之中,大多數球隊以保守為先,比賽多數節奏較慢。不過今場意大利進取應戰,加上比利時嘅反擊,令比賽節奏明快,兩隊嘅對抗緊湊而精彩,實在難得。

留言


請按此登錄後留言。未成為會員? 立即註冊
  • Footballanalysishk 於 05/07/2021 評論 NO. 1

    Hi請問怎樣開設自己的專欄

  • Lee Keith 於 05/07/2021 評論 NO. 2

    我自己係用電腦於網站開設專欄

快捷鍵:←
快捷鍵:→