延遲一年嘅歐國盃，將會於今晚開鑼。賽前分析、球隊介紹等等嘅資訊，相信大家已經閱覽唔少。小弟於本篇文章，主要介紹今屆歐洲列強值得留意嘅地方。
1.法國穩中求勝 重任落在簡迪同麥巴比身上
迪甘斯好可能會維持於世界盃沿用既踢法，穩中求勝，以4312陣式應戰。防線方面，柏華、華拉尼、甘巴比同靴南迪斯，級數足夠，但偶有失誤，需要加上覆蓋範圍極大既簡迪保護防線，先真正可以踢得穩陣。
進攻方面，影子前鋒基沙文以及支點賓斯馬/基奧特，速度未算太快。快攻/反擊同牽制對手嘅重任落在麥巴比身上，佢嘅發揮係求勝關鍵。
2.英格蘭主場出擊 新一代有望創造歷史
英格蘭人才輩出，曼治、科頓等國際大賽嘅新面孔近兩季逐漸成熟，修夫基用人方面有唔少選擇。英格蘭除人腳之外，戰術上亦有進步。世界盃後修夫基更多嘗試排出4231陣式以面對密集，兩種陣式嘅預備令英格蘭戰術更靈活。
英格蘭如果能獲得小組首名，除八強嘅比賽以外，球隊都可以留在主場溫布萊球場應戰，體能上有唔少優勢。理論上英格蘭絕對係今屆歐國盃嘅熱門。而回望過去，英格蘭國際賽嘅佳績大多於主場發生，例如66年世界盃冠軍，96年歐國盃打入四強，以往績推斷，主場優勢可謂英格蘭嘅強心針。
3.葡萄牙進攻火力有保證
葡萄牙係歐國盃另一支人才輩出嘅球隊，祖達、菲力斯、般奴、簡些路同迪亞斯近年逐漸接近巔峰。進攻方面，C朗連同祖達、菲力斯，身後有般奴整理攻勢，速度、技術、組織力足夠，快攻同反擊了得，高空同死球攻勢有C朗、祖達兩位擅頂之人接應。葡萄牙進攻方式多元，火力絕對有保證。
4.西班牙同意大利可觀性高西班牙近年人腳星味下降，拉莫斯因傷未有入選，安歷基由初始到補選名單都冇選擇皇馬球員，球隊同強隊嘅抗衡方面令人擔心。
不過，今屆西班牙從人腳到踢法實而不華，雖然冇上一代嘅taki-taka踢法般極致，但球隊具衝擊力嘅邊路配合突破，係比較少國家隊有足夠默契做到既，西班牙嘅比賽值得一睇。
意大利方面，教練文仙尼揚言球隊會踢進攻足球。近年意甲球隊嘅踢法亦開始變得進取，有唔少幫助。從歐國聯同世界盃外圍賽中，可見意大利嘅組織流暢，穿插、配合具侵略性，擅於運用邊路，滲入halfspace， 打入對方嘅心臟地帶。大家不妨欣賞今屆一改傳統踢法嘅意大利。
5.死亡之組不太死亡 但定必有傷元氣
今屆法國、葡萄牙、德國三支強隊同在F組，可能要鬥個你死我活。不過，值得留意，F組第二名好可能要在十六強作客英格蘭，當其中一兩隊見到形勢，未有信心爭到小組首名，可能會傾向走線以第三名晉級。死亡之組中，除咗匈牙利之外，其實不太死亡。不過，三支強隊於分組賽就要應付大戰，就算未有消耗太多體能，都會消耗唔少精神力量，可能會令其狀態不及於其他組晉級嘅強隊。
6.三隊三中堅強隊
今屆歐國盃有三支強隊好大機會沿用三中堅陣應戰，分別係德國、比利時同荷蘭。
德國以三中堅加強防守，但三中堅陣唔適合面對密集，包括對法國嘅大戰，令分組賽較易失分，不過相信以德國嘅實力，仍可以於分組賽過關。比利時球員能力無庸置疑，相信可以於分組賽過關。而荷蘭主要以352陣式應戰，只有兩位進攻球員，進攻火力有限，防守方面欠缺雲迪克，而迪列治亦有傷在身。今屆難以對荷蘭有太大期望。
到淘汰賽，由於無須於九十分鐘內解決對手，用三中堅陣嘅球隊面對密集，不須急於進攻，只要有足夠速度型前鋒提供牽制力，上述三隊球隊有望穩中求勝。
最後，希望今次歐國盃順利舉行，每支球隊都可以發揮應有嘅實力，球迷們能夠享受久違嘅國家隊大賽。
1.法國穩中求勝 重任落在簡迪同麥巴比身上
迪甘斯好可能會維持於世界盃沿用既踢法，穩中求勝，以4312陣式應戰。防線方面，柏華、華拉尼、甘巴比同靴南迪斯，級數足夠，但偶有失誤，需要加上覆蓋範圍極大既簡迪保護防線，先真正可以踢得穩陣。
進攻方面，影子前鋒基沙文以及支點賓斯馬/基奧特，速度未算太快。快攻/反擊同牽制對手嘅重任落在麥巴比身上，佢嘅發揮係求勝關鍵。
2.英格蘭主場出擊 新一代有望創造歷史
英格蘭人才輩出，曼治、科頓等國際大賽嘅新面孔近兩季逐漸成熟，修夫基用人方面有唔少選擇。英格蘭除人腳之外，戰術上亦有進步。世界盃後修夫基更多嘗試排出4231陣式以面對密集，兩種陣式嘅預備令英格蘭戰術更靈活。
英格蘭如果能獲得小組首名，除八強嘅比賽以外，球隊都可以留在主場溫布萊球場應戰，體能上有唔少優勢。理論上英格蘭絕對係今屆歐國盃嘅熱門。而回望過去，英格蘭國際賽嘅佳績大多於主場發生，例如66年世界盃冠軍，96年歐國盃打入四強，以往績推斷，主場優勢可謂英格蘭嘅強心針。
3.葡萄牙進攻火力有保證
葡萄牙係歐國盃另一支人才輩出嘅球隊，祖達、菲力斯、般奴、簡些路同迪亞斯近年逐漸接近巔峰。進攻方面，C朗連同祖達、菲力斯，身後有般奴整理攻勢，速度、技術、組織力足夠，快攻同反擊了得，高空同死球攻勢有C朗、祖達兩位擅頂之人接應。葡萄牙進攻方式多元，火力絕對有保證。
4.西班牙同意大利可觀性高西班牙近年人腳星味下降，拉莫斯因傷未有入選，安歷基由初始到補選名單都冇選擇皇馬球員，球隊同強隊嘅抗衡方面令人擔心。
不過，今屆西班牙從人腳到踢法實而不華，雖然冇上一代嘅taki-taka踢法般極致，但球隊具衝擊力嘅邊路配合突破，係比較少國家隊有足夠默契做到既，西班牙嘅比賽值得一睇。
意大利方面，教練文仙尼揚言球隊會踢進攻足球。近年意甲球隊嘅踢法亦開始變得進取，有唔少幫助。從歐國聯同世界盃外圍賽中，可見意大利嘅組織流暢，穿插、配合具侵略性，擅於運用邊路，滲入halfspace， 打入對方嘅心臟地帶。大家不妨欣賞今屆一改傳統踢法嘅意大利。
5.死亡之組不太死亡 但定必有傷元氣
今屆法國、葡萄牙、德國三支強隊同在F組，可能要鬥個你死我活。不過，值得留意，F組第二名好可能要在十六強作客英格蘭，當其中一兩隊見到形勢，未有信心爭到小組首名，可能會傾向走線以第三名晉級。死亡之組中，除咗匈牙利之外，其實不太死亡。不過，三支強隊於分組賽就要應付大戰，就算未有消耗太多體能，都會消耗唔少精神力量，可能會令其狀態不及於其他組晉級嘅強隊。
6.三隊三中堅強隊
今屆歐國盃有三支強隊好大機會沿用三中堅陣應戰，分別係德國、比利時同荷蘭。
德國以三中堅加強防守，但三中堅陣唔適合面對密集，包括對法國嘅大戰，令分組賽較易失分，不過相信以德國嘅實力，仍可以於分組賽過關。比利時球員能力無庸置疑，相信可以於分組賽過關。而荷蘭主要以352陣式應戰，只有兩位進攻球員，進攻火力有限，防守方面欠缺雲迪克，而迪列治亦有傷在身。今屆難以對荷蘭有太大期望。
到淘汰賽，由於無須於九十分鐘內解決對手，用三中堅陣嘅球隊面對密集，不須急於進攻，只要有足夠速度型前鋒提供牽制力，上述三隊球隊有望穩中求勝。
最後，希望今次歐國盃順利舉行，每支球隊都可以發揮應有嘅實力，球迷們能夠享受久違嘅國家隊大賽。
請按此登錄後留言。未成為會員? 立即註冊