臨近金球獎頒獎禮嘅日子，關於得獎者誰屬嘅傳言滿天飛，唔止一份網上流傳嘅名單顯示美斯奪得了個人第七個金球獎，更有報道指金球獎主辨機構《法國足球》雜誌已通知美斯獲獎嘅消息。
雖然通知美斯得獎嘅消息已被《法國足球》總編費爾否認，而網上所流傳嘅得獎名單真確性亦存有疑問，但仍然足夠引起唔少討論。好多球迷都為另一熱門人選，效力拜仁慕尼黑嘅前鋒利雲杜夫斯基「抱打不平」，認為利雲更值得獲獎，同時亦有唔少球迷認為美斯值得再下一城，確立G.O.A.T (Greatest of All Time) 嘅地位。小弟自己睇到有關嘅討論，都不禁會思考一番。在此，小弟希望分享幾個角度，討論美斯同利雲杜夫斯基兩大熱門嘅競爭。
回望去年，法甲、荷甲等聯賽因為疫情而被腰斬，金球獎因而被取消，實在可惜。今年金球獎30強候選人中，除尼馬同麥巴比外，其餘都能完整地完成當季聯賽，包括美斯同利雲兩大熱門人選。而未能完整地完成法甲聯賽嘅尼馬同麥巴比，當季亦有殺入歐聯決賽。身為球迷，絕對唔希望球員們去年所作嘅努力被忽視，若果讓小弟投票，會傾向考慮球員兩年以來嘅表現。
🏆榮譽
2020年係利雲杜夫斯基隨拜仁慕尼黑豐收嘅一年，球隊以全勝姿態贏得歐聯冠軍，其後更成為史上第二支「六冠王」球隊，利雲功不可沒，係當屆德甲同歐聯嘅神射手。加上20-21球季，球隊再贏德甲冠軍，利雲打破德甲記錄，以 41球再奪神射手，令自己兩年間嘅榮譽領先美斯。
相反地，2020年係巴塞隆拿同美斯失落嘅一年。19-20球季，巴塞四大皆空，更於歐聯八強以2-8嘅比數，恥辱地慘敗有利雲在陣嘅拜仁。緊接嘅 20-21球季，巴塞於朗奴高文帶領下贏得國王盃，算係爭返啖氣。夏天嘅美洲盃，美斯帶領阿根廷奪冠圓夢，而自己同時贏得了賽事嘅神射手同最佳球員，榮譽方面了拉近唔少差距。
🏟️戰術與環境嘅造就⚽利雲高效而穩定
拜仁作為德甲班霸，人強馬壯。球隊於費歷克帶領下，長期嘅高壓戰術加上成熟嘅控球踢法，令球隊不乏進攻機會，利雲得到充足嘅支援，能充分發揮支點、走位、頭鎚、射術等能力，有時仲有機會「刷數據」。
國家隊方面，利雲代表波蘭出戰歐國盃，3場比賽入3球，而近8場世界盃外圍賽入8球，表現非常穩定地高效。雖然波蘭整體實力同拜仁有距離，利雲喺波蘭國家隊所得到嘅供應同支援較拜仁少，但利雲仍然入球如麻。有兩場比賽值得一提，面對以控球主攻見稱嘅西班牙，波蘭大部份時間以防反取態應戰，球隊只有23.6%控球比率，而利雲仍有上佳嘅表現，以頭鎚攻入追平嘅一球。九月嘅世界盃外圍賽，波蘭面對歐洲亞軍英格蘭時控球只有36.7%，利雲再次於球隊弱勢下建功，助攻施文斯基入球逼和英格蘭。⚽美斯表現往往係關鍵
擁有美斯嘅巴塞近年成績不及以往，亦不及擁有利雲嘅拜仁慕尼黑。巴塞面對財政問題，難以於轉會市場競爭，而球隊本身人員結構未夠完整，導致難以建立持續而有效嘅戰術安排。球隊進攻組織表現不穩，需要依賴美斯嘅支撐，分波、轉邊、推進、入波、助攻等工作，一人包辦，令美斯嘅個人表現變得關鍵，因此美斯嘅至勝入球同至勝助攻嘅次數較多，勝過利雲。國家隊方面，贏得今年美洲盃冠軍嘅阿根廷，戰術合理，整體發揮穩定。美斯得到了迪馬利亞幫手串連、隊友們跑動拉開空間同衝擊對方防線等充足嘅支援下，發揮了球皇本色，7場比賽中交出4個入球加5次助攻，最終帶領球隊圓夢。
💡兼容性
值得留意嘅係，擁有美斯嘅巴塞同阿根廷，戰術佈置主要都係圍繞美斯。美斯離開巴塞，加盟巴黎聖日耳門後，似乎未能完全融入球隊，至今於法甲仍未開齋。巴黎本身已經人強馬壯，美斯對於所在球隊嘅重要性明顯下降，巴黎沒有美斯在陣時，戰績甚至比美斯在陣時更好。
雖然曾於歐聯建功，助球隊擊敗曼城同 RB萊比錫，但整體而言美斯未能展示喺另一種戰術同環境中有穩定嘅發揮。而利雲效力波蘭國家隊，踢法同拜仁唔同，而且支援較少之下仍有穩定發揮，可見利雲所展現嘅兼容性更勝一籌。
❤️意義
金球獎以投票產生，係來自人嘅選擇，相信除了來自理性嘅判斷之外，亦可能會帶有一點感性，尤其難以用表現判斷誰高誰低嘅時候。或者，從比較感性嘅角度討論金球獎兩大熱門，未嘗不可。小弟自己認為，最終由美斯抑或利雲獲獎，各有意義。
⚽美斯繼續進步，堅持追夢，苦盡甘來
美斯喺巴塞最後幾年嘅日子，受到唔少苦難，包括喺歐聯連年大敗。國家隊方面，阿根廷從2014年巴西世界盃到之後嘅兩屆美洲盃，連續三年皆屈居亞軍，到了2018年俄羅斯世界盃，黃金一代顯然已走向下坡。美斯等待新一代國腳漸漸成熟，今年終於以34歲之齡贏得第一個大國腳錦標，可謂苦盡甘來。除技術表現以外，美斯努力維持狀態，連從前屢被批評嘅領導能力亦有改善，身為球王仍然繼續進步。美斯喺國際家隊生涯失敗過，沮喪過，放棄過，最終仍堅持追夢到老，值得敬佩同學習。⚽利雲挑戰兩大球王，鼓勵人們向上挑戰
近兩年之中，利雲亦係圓夢嘅一個。自從隨多蒙特殺入歐聯決賽，利雲便長年無緣歐聯決賽嘅舞台。利雲轉會拜仁慕尼黑後，球隊連年被當屆冠軍擊敗，包括連續四年敗在兩大球王美斯C朗所在嘅球隊(MSN時期嘅巴塞、三連冠時期嘅皇馬)，其後亦被舊帥高普所帶領嘅利物浦擊敗。到了2020年，利雲終於得償所願，助拜仁贏得歐聯冠軍，得到了自己第一個歐聯冠軍獎牌。去年開始，利雲嘅表現達到了更高嘅巔峰，足以挑戰兩大球王。今年嘅利雲延續強勢，至今已有62個入球，對比2013年贏得金球獎嘅C朗，只差7球。今年拜仁慕尼黑尚有8場比賽，利雲入球數字有望超越C朗。而金球獎方面，利雲成為了熱門之一，有望成功挑戰美斯。兩大球王稱霸球壇多年，屬現今球壇嘅標誌人物，若利雲最終能超越13年嘅C朗，壓過美斯獲得金球獎，相信佢嘅故事，能鼓勵人們敢於向上挑戰。金球獎頒獎禮將會於11月 29日於巴黎舉行，到時大家可以到YouTube觀看直播。到底最終金球獎誰屬，小弟同大家一齊期待！
雖然通知美斯得獎嘅消息已被《法國足球》總編費爾否認，而網上所流傳嘅得獎名單真確性亦存有疑問，但仍然足夠引起唔少討論。好多球迷都為另一熱門人選，效力拜仁慕尼黑嘅前鋒利雲杜夫斯基「抱打不平」，認為利雲更值得獲獎，同時亦有唔少球迷認為美斯值得再下一城，確立G.O.A.T (Greatest of All Time) 嘅地位。小弟自己睇到有關嘅討論，都不禁會思考一番。在此，小弟希望分享幾個角度，討論美斯同利雲杜夫斯基兩大熱門嘅競爭。
回望去年，法甲、荷甲等聯賽因為疫情而被腰斬，金球獎因而被取消，實在可惜。今年金球獎30強候選人中，除尼馬同麥巴比外，其餘都能完整地完成當季聯賽，包括美斯同利雲兩大熱門人選。而未能完整地完成法甲聯賽嘅尼馬同麥巴比，當季亦有殺入歐聯決賽。身為球迷，絕對唔希望球員們去年所作嘅努力被忽視，若果讓小弟投票，會傾向考慮球員兩年以來嘅表現。
🏆榮譽
2020年係利雲杜夫斯基隨拜仁慕尼黑豐收嘅一年，球隊以全勝姿態贏得歐聯冠軍，其後更成為史上第二支「六冠王」球隊，利雲功不可沒，係當屆德甲同歐聯嘅神射手。加上20-21球季，球隊再贏德甲冠軍，利雲打破德甲記錄，以 41球再奪神射手，令自己兩年間嘅榮譽領先美斯。
相反地，2020年係巴塞隆拿同美斯失落嘅一年。19-20球季，巴塞四大皆空，更於歐聯八強以2-8嘅比數，恥辱地慘敗有利雲在陣嘅拜仁。緊接嘅 20-21球季，巴塞於朗奴高文帶領下贏得國王盃，算係爭返啖氣。夏天嘅美洲盃，美斯帶領阿根廷奪冠圓夢，而自己同時贏得了賽事嘅神射手同最佳球員，榮譽方面了拉近唔少差距。
🏟️戰術與環境嘅造就⚽利雲高效而穩定
拜仁作為德甲班霸，人強馬壯。球隊於費歷克帶領下，長期嘅高壓戰術加上成熟嘅控球踢法，令球隊不乏進攻機會，利雲得到充足嘅支援，能充分發揮支點、走位、頭鎚、射術等能力，有時仲有機會「刷數據」。
國家隊方面，利雲代表波蘭出戰歐國盃，3場比賽入3球，而近8場世界盃外圍賽入8球，表現非常穩定地高效。雖然波蘭整體實力同拜仁有距離，利雲喺波蘭國家隊所得到嘅供應同支援較拜仁少，但利雲仍然入球如麻。有兩場比賽值得一提，面對以控球主攻見稱嘅西班牙，波蘭大部份時間以防反取態應戰，球隊只有23.6%控球比率，而利雲仍有上佳嘅表現，以頭鎚攻入追平嘅一球。九月嘅世界盃外圍賽，波蘭面對歐洲亞軍英格蘭時控球只有36.7%，利雲再次於球隊弱勢下建功，助攻施文斯基入球逼和英格蘭。⚽美斯表現往往係關鍵
擁有美斯嘅巴塞近年成績不及以往，亦不及擁有利雲嘅拜仁慕尼黑。巴塞面對財政問題，難以於轉會市場競爭，而球隊本身人員結構未夠完整，導致難以建立持續而有效嘅戰術安排。球隊進攻組織表現不穩，需要依賴美斯嘅支撐，分波、轉邊、推進、入波、助攻等工作，一人包辦，令美斯嘅個人表現變得關鍵，因此美斯嘅至勝入球同至勝助攻嘅次數較多，勝過利雲。國家隊方面，贏得今年美洲盃冠軍嘅阿根廷，戰術合理，整體發揮穩定。美斯得到了迪馬利亞幫手串連、隊友們跑動拉開空間同衝擊對方防線等充足嘅支援下，發揮了球皇本色，7場比賽中交出4個入球加5次助攻，最終帶領球隊圓夢。
💡兼容性
值得留意嘅係，擁有美斯嘅巴塞同阿根廷，戰術佈置主要都係圍繞美斯。美斯離開巴塞，加盟巴黎聖日耳門後，似乎未能完全融入球隊，至今於法甲仍未開齋。巴黎本身已經人強馬壯，美斯對於所在球隊嘅重要性明顯下降，巴黎沒有美斯在陣時，戰績甚至比美斯在陣時更好。
雖然曾於歐聯建功，助球隊擊敗曼城同 RB萊比錫，但整體而言美斯未能展示喺另一種戰術同環境中有穩定嘅發揮。而利雲效力波蘭國家隊，踢法同拜仁唔同，而且支援較少之下仍有穩定發揮，可見利雲所展現嘅兼容性更勝一籌。
❤️意義
金球獎以投票產生，係來自人嘅選擇，相信除了來自理性嘅判斷之外，亦可能會帶有一點感性，尤其難以用表現判斷誰高誰低嘅時候。或者，從比較感性嘅角度討論金球獎兩大熱門，未嘗不可。小弟自己認為，最終由美斯抑或利雲獲獎，各有意義。
⚽美斯繼續進步，堅持追夢，苦盡甘來
美斯喺巴塞最後幾年嘅日子，受到唔少苦難，包括喺歐聯連年大敗。國家隊方面，阿根廷從2014年巴西世界盃到之後嘅兩屆美洲盃，連續三年皆屈居亞軍，到了2018年俄羅斯世界盃，黃金一代顯然已走向下坡。美斯等待新一代國腳漸漸成熟，今年終於以34歲之齡贏得第一個大國腳錦標，可謂苦盡甘來。除技術表現以外，美斯努力維持狀態，連從前屢被批評嘅領導能力亦有改善，身為球王仍然繼續進步。美斯喺國際家隊生涯失敗過，沮喪過，放棄過，最終仍堅持追夢到老，值得敬佩同學習。⚽利雲挑戰兩大球王，鼓勵人們向上挑戰
近兩年之中，利雲亦係圓夢嘅一個。自從隨多蒙特殺入歐聯決賽，利雲便長年無緣歐聯決賽嘅舞台。利雲轉會拜仁慕尼黑後，球隊連年被當屆冠軍擊敗，包括連續四年敗在兩大球王美斯C朗所在嘅球隊(MSN時期嘅巴塞、三連冠時期嘅皇馬)，其後亦被舊帥高普所帶領嘅利物浦擊敗。到了2020年，利雲終於得償所願，助拜仁贏得歐聯冠軍，得到了自己第一個歐聯冠軍獎牌。去年開始，利雲嘅表現達到了更高嘅巔峰，足以挑戰兩大球王。今年嘅利雲延續強勢，至今已有62個入球，對比2013年贏得金球獎嘅C朗，只差7球。今年拜仁慕尼黑尚有8場比賽，利雲入球數字有望超越C朗。而金球獎方面，利雲成為了熱門之一，有望成功挑戰美斯。兩大球王稱霸球壇多年，屬現今球壇嘅標誌人物，若利雲最終能超越13年嘅C朗，壓過美斯獲得金球獎，相信佢嘅故事，能鼓勵人們敢於向上挑戰。金球獎頒獎禮將會於11月 29日於巴黎舉行，到時大家可以到YouTube觀看直播。到底最終金球獎誰屬，小弟同大家一齊期待！
請按此登錄後留言。未成為會員? 立即註冊