「豹牌」打破球衣設計固有框架 初次創新難免經歷失敗過程

曼城、 AC米蘭、華倫西亞等「豹牌」贊助球隊嘅第三球衣於琴日推出，其T-shirt 型設計受到各方批評，大部份球迷對該設計不滿。而德甲勁旅多蒙特同屬「豹牌」贊助，但其同款第三球衣早前流出時巳大受批評，現時未有推出。T-shirt 型設計中，隊徽成為暗花，而胸口主要位置偏上有「豹牌」標誌，下方係大字粗體嘅球隊名稱，再下方就係球隊贊助商標誌。於「豹牌」所贊助嘅球隊中，唔同球隊款式一樣，只係顏色、隊徽暗花、球隊名稱同贊助商標誌有分別。唔少球迷認為第三球衣設計求其，欠缺美感，睇嚟 T-shirt 型球衣設計，難謂成功。
不過，從另一角度睇，其實「豹牌」嘅設計理念值得鼓勵。今次 T-shirt 型設計跳出咗足球球衣固有嘅框架，一如其宣傳口號 "Rewrite the rules"。今次嘅設計雖然失敗，但或者會啟發到日後球衣設計嘅創新。

有時，初次嘗試創新，跳出框框，難免會經歷失敗，以及被受批評。然而，失敗只係探索嘅過程，經過反思、歸納問題以及調整之後，相信終會成功實現創新嘅理念，「豹牌」如是，敢於創新嘅各位如是。