《美斯啱啱復出先得人驚?》

美斯加盟巴黎聖日耳門後,諸事不順。呢位球王暫時未能同尼馬、麥巴比兩大球星成功磨合。美斯尼馬一同上陣時未有明顯分工,MNM組合未有強大化學作用,而三人較少回防嘅習性更會令後防受更大壓力。

而美斯自己於巴黎仍亦未有入球或助攻,表面上表現不濟。美斯充滿外界壓力下,於法甲比賽被普捷天奴換出,其失望同不忿之情溢於言表,之後更因傷缺陣。

不過,就現時情況而言,美斯受傷可能因禍得福。美斯傷癒復出就要於歐聯大戰曼城,而剛剛傷癒正正係一個好理由俾美斯先踢後備。

巴黎正選人員結構可返回上季/前季比較成功嘅模式,俾較有默契同較多回防嘅迪馬利亞正選,而美斯下半場入替尼馬,接替其引領攻勢嘅工作。美斯經過休息,加上後備出場,有明顯體能優勢。如果有麥巴比同迪馬利亞或者後備上陣嘅迪斯拿/伊卡迪走位牽制曼城防守球員下,美斯帶來嘅威脅或許會比前幾場更得人驚。

留言


請按此登錄後留言。未成為會員? 立即註冊
    快捷鍵:←
    快捷鍵:→