「球王追夢隊」功臣逐個講-後備篇 : 共同奮鬥 精選

阿根廷圓夢捧起大力神盃，唔止因為於場上球員嘅努力，亦有賴於後備球員嘅力量。雖然上陣時間唔多，但「球王追夢隊」功臣系列，都有佢哋份。
🇦🇷🏆阿曼尼、盧利、科夫、比斯拿、柏拉斯奧斯、安希哥利亞、艾馬達、阿歷亨度高美斯、基度洛迪古斯、迪巴拿

一群同喜同憂，共同奮鬥嘅兄弟。喺士氣、訓練等方面，後備球員亦有唔少影響力。

迪巴拿擁有才華，但因位置同功能上與美斯相撞，而好少獲得出場機會。人們替迪巴拿感到可惜，認為佢懷才不遇之時，佢似乎唔太在乎。球隊贏波慶祝時，睇落佢可能仲開心過場上嘅隊友，正如其他後備球員亦都一樣。

比賽場下，訓練場上，後備球員嘅努力，起碼提供到兩個好處。一個係提升訓練質素，建立隊友之間嘅良性競爭，另一個係俾到教練更大嘅信心去調整排兵布陣。喺分組賽調整排兵布陣，就係阿珍奪冠嘅關鍵因素之一。