歐聯十六強次回合，皇家馬德里返到班拿貝球場，以3-1反勝巴黎聖日耳門，總比數以3-2晉級八強。
次回合之前，三場比賽嘅日子相同。巴黎因要飛往馬德里作戰，休息時間會稍比皇馬少，皇馬擁有體能優勢。
雙方陣容 :
👑踢法進取
首回合落後一球嘅皇馬，今場踢法進取，球隊多次向前壓迫搶攻，而收縮防守嘅時候亦有維持中後場壓迫。相比首回合，當時剛剛傷癒嘅主將賓斯馬，今場狀態大幅提升，其支點串連有助製造攻勢，而其頭槌同遠射攻門亦僅僅貼柱出界。不過，主將年紀較大嘅皇馬，上半場能搶攻嘅時間有限，球隊未能製造太多機會。
🗼MNM組合
巴黎喺上半場有良好表現，亦取得優勢。美斯、尼馬同麥巴比嘅MNM組合表現值得一提，三人比之前更多參與壓迫同回防，令球隊防守更具整體性，從而爭取到更多反擊機會，如第7分鐘，美斯回到禁區頂搶到皮球後再帶球突破發動反擊。另外，尼馬更多向前衝擊，亦增加了快攻／反擊嘅效果。MNM組合中，三人之間嘅配合喺上半場製造唔少威脅。30分鐘，美斯擺脫卻奧斯後同尼馬配合，從中路滲入禁區後直面對方門將高圖爾斯，美斯挑射射斜。39分鐘嘅反擊，尼馬送直線助攻麥巴比打開記錄。🗼未必係最好嘅配搭
不過，值得留意嘅係，MNM組合其實未必係最好嘅配搭。美斯同尼馬大部分時間都會輪番回後引領攻勢，令同樣具有組織力嘅華拉堤變得迷惘，未能發揮其創造力。回想首回合尼馬缺陣時，美斯連同華拉堤組織攻勢，效果理想，華拉堤表現亦相當亮麗。
華拉堤兩回合表現對比:
球隊喺反擊之中向前衝擊嘅工作，大部分都係要依靠麥巴比。兩閘文迪斯同夏基美雖然速度快而助攻力強，但由於本身位置較後，難以每次都有效向前衝擊，至於尼馬雖有向前衝擊但次數唔多，巴黎多次依靠麥巴比一人衝鋒陷陣，令球隊進攻效果往往未到最好。
若能以一位具速度嘅前線球員代替美斯同尼馬其中一人，連同麥巴比向前衝鋒陷陣，令其得到支援，同時釋放華拉堤嘅組織力，想必球隊嘅進攻火力會比現時MNM組合同場上陣時更強。
👑注入年輕力量
下半場皇馬繼續搶攻，主帥安察洛堤換入年輕球員，於57分鐘以洛迪高同卡馬雲加分別入替艾辛斯奧同卻奧斯。兩人後備入替嘅體能優勢，加上原本在陣嘅雲尼素斯同華維迪，令球隊具有活力。調動過後，皇馬嘅運轉速度同壓迫力都大幅提升。相比之下，巴黎球員體能下降，美斯、尼馬同麥巴比三人嘅壓迫同回防次數同幅度隨之減少，反擊攻勢亦然。其後安帥以體力充沛嘅華斯基斯入替卡華積，加強看管麥巴比。
👑造就逆轉
一連串嘅調動，令皇馬逐漸扭轉形勢。賓斯馬同摩迪得到年輕力量嘅支援後發揮級數，引領皇馬以一浪接一浪嘅壓迫同衝擊，反撲巴黎。61分鐘，賓斯馬壓迫去盡迫甩當拿隆馬腳下球射入追近嘅一球。76分鐘，摩迪發動反擊，輾轉助攻賓斯馬射入追平。兩隊企喺同一起跑線嘅兩分鐘後，巴黎從中圈開球，洛迪高隨即搶走皮球傳向雲尼素斯，雲尼素斯力壓之下馬昆奴斯傳球失誤，賓斯馬一腳射入，完成帽子戲法，造就逆轉。🗼可更果斷？
巴黎於下半場欲以控球在腳，盡量消耗對手同時拖延時間，但隨眾將體能下降，前線欠缺足夠壓迫力，亦缺乏衝擊力牽制對手之下，球隊不斷受壓，繼而出現當拿隆馬猶豫不決加上尼馬同馬昆奴斯分別嘅失誤而連失三球。球隊大好形勢下被反超令軍心潰散，主帥普捷天奴接連嘅調動已經太遲。值得討論嘅係，美斯同尼馬經歷上半場高強度嘅消耗，下半場中段表現明顯下滑，若普帥當時果斷換出其中一人，球隊被逆轉嘅機會或會減少。👑🗼總結
今場比賽結果出乎意料，皇馬新舊球員結合下嘅發揮令人意想不到，相信令人期待球隊之後階段嘅表現。對於第一個入球嘅犯規嫌疑，賓斯馬的確有絆跌當拿隆馬，而且其攔截未有接觸到皮球，入球應該被判為無效。不過，犯規嘅爭議無阻小弟欣賞皇馬嘅調整同眾將嘅堅毅，如今皇馬逆轉晉級，小弟仍會恭喜皇馬！
而巴黎方面，大好形勢下出局實在可惜。美斯、尼馬同麥巴比嘅MNM組合喺上半場精彩嘅表演值得掌聲，奈何大戰當前所驅使嘅進步似乎注定曇花一現。
次回合之前，三場比賽嘅日子相同。巴黎因要飛往馬德里作戰，休息時間會稍比皇馬少，皇馬擁有體能優勢。
雙方陣容 :
👑踢法進取
首回合落後一球嘅皇馬，今場踢法進取，球隊多次向前壓迫搶攻，而收縮防守嘅時候亦有維持中後場壓迫。相比首回合，當時剛剛傷癒嘅主將賓斯馬，今場狀態大幅提升，其支點串連有助製造攻勢，而其頭槌同遠射攻門亦僅僅貼柱出界。不過，主將年紀較大嘅皇馬，上半場能搶攻嘅時間有限，球隊未能製造太多機會。
🗼MNM組合
巴黎喺上半場有良好表現，亦取得優勢。美斯、尼馬同麥巴比嘅MNM組合表現值得一提，三人比之前更多參與壓迫同回防，令球隊防守更具整體性，從而爭取到更多反擊機會，如第7分鐘，美斯回到禁區頂搶到皮球後再帶球突破發動反擊。另外，尼馬更多向前衝擊，亦增加了快攻／反擊嘅效果。MNM組合中，三人之間嘅配合喺上半場製造唔少威脅。30分鐘，美斯擺脫卻奧斯後同尼馬配合，從中路滲入禁區後直面對方門將高圖爾斯，美斯挑射射斜。39分鐘嘅反擊，尼馬送直線助攻麥巴比打開記錄。🗼未必係最好嘅配搭
不過，值得留意嘅係，MNM組合其實未必係最好嘅配搭。美斯同尼馬大部分時間都會輪番回後引領攻勢，令同樣具有組織力嘅華拉堤變得迷惘，未能發揮其創造力。回想首回合尼馬缺陣時，美斯連同華拉堤組織攻勢，效果理想，華拉堤表現亦相當亮麗。
華拉堤兩回合表現對比:
球隊喺反擊之中向前衝擊嘅工作，大部分都係要依靠麥巴比。兩閘文迪斯同夏基美雖然速度快而助攻力強，但由於本身位置較後，難以每次都有效向前衝擊，至於尼馬雖有向前衝擊但次數唔多，巴黎多次依靠麥巴比一人衝鋒陷陣，令球隊進攻效果往往未到最好。
若能以一位具速度嘅前線球員代替美斯同尼馬其中一人，連同麥巴比向前衝鋒陷陣，令其得到支援，同時釋放華拉堤嘅組織力，想必球隊嘅進攻火力會比現時MNM組合同場上陣時更強。
👑注入年輕力量
下半場皇馬繼續搶攻，主帥安察洛堤換入年輕球員，於57分鐘以洛迪高同卡馬雲加分別入替艾辛斯奧同卻奧斯。兩人後備入替嘅體能優勢，加上原本在陣嘅雲尼素斯同華維迪，令球隊具有活力。調動過後，皇馬嘅運轉速度同壓迫力都大幅提升。相比之下，巴黎球員體能下降，美斯、尼馬同麥巴比三人嘅壓迫同回防次數同幅度隨之減少，反擊攻勢亦然。其後安帥以體力充沛嘅華斯基斯入替卡華積，加強看管麥巴比。
👑造就逆轉
一連串嘅調動，令皇馬逐漸扭轉形勢。賓斯馬同摩迪得到年輕力量嘅支援後發揮級數，引領皇馬以一浪接一浪嘅壓迫同衝擊，反撲巴黎。61分鐘，賓斯馬壓迫去盡迫甩當拿隆馬腳下球射入追近嘅一球。76分鐘，摩迪發動反擊，輾轉助攻賓斯馬射入追平。兩隊企喺同一起跑線嘅兩分鐘後，巴黎從中圈開球，洛迪高隨即搶走皮球傳向雲尼素斯，雲尼素斯力壓之下馬昆奴斯傳球失誤，賓斯馬一腳射入，完成帽子戲法，造就逆轉。🗼可更果斷？
巴黎於下半場欲以控球在腳，盡量消耗對手同時拖延時間，但隨眾將體能下降，前線欠缺足夠壓迫力，亦缺乏衝擊力牽制對手之下，球隊不斷受壓，繼而出現當拿隆馬猶豫不決加上尼馬同馬昆奴斯分別嘅失誤而連失三球。球隊大好形勢下被反超令軍心潰散，主帥普捷天奴接連嘅調動已經太遲。值得討論嘅係，美斯同尼馬經歷上半場高強度嘅消耗，下半場中段表現明顯下滑，若普帥當時果斷換出其中一人，球隊被逆轉嘅機會或會減少。👑🗼總結
今場比賽結果出乎意料，皇馬新舊球員結合下嘅發揮令人意想不到，相信令人期待球隊之後階段嘅表現。對於第一個入球嘅犯規嫌疑，賓斯馬的確有絆跌當拿隆馬，而且其攔截未有接觸到皮球，入球應該被判為無效。不過，犯規嘅爭議無阻小弟欣賞皇馬嘅調整同眾將嘅堅毅，如今皇馬逆轉晉級，小弟仍會恭喜皇馬！
而巴黎方面，大好形勢下出局實在可惜。美斯、尼馬同麥巴比嘅MNM組合喺上半場精彩嘅表演值得掌聲，奈何大戰當前所驅使嘅進步似乎注定曇花一現。
請按此登錄後留言。未成為會員? 立即註冊