東亞盃最後一輪比賽，港隊發揮良好之下僅負中國一球。
上半場早段，中國隊以邊路配合同角球，製造到較多機會。無可否認戴偉俊今場嘅串連，作用明顯，助中國幾次越過香港兩閘茹子楠同梁冠聰，從邊路滲入，好在兩位中堅謝家強同勞烈斯足夠專注，能及時阻止對方傳入心臟地帶。
面對對方角球攻勢，港隊兩次走漏對方而被攻門。不過，值得留意嘅係，港隊身高處於劣勢，就算夠人都未必夠頂。或者因為咁，所以安排茹子楠同梁冠聰兩人喺兩邊門柱護空門，寧願爭頂嘅入數減少，如早段大佬梁冠聰護空門嘅一球。
相比前場組織，中國隊後場組織力一般。上半場中後段港隊能夠壓住對方，並阻止反擊。七日內嘅第三場比賽，港隊較少輪換下仍能長時間維持強力壓迫，眾將值得掌聲。不過，港隊上半場進攻用波決定較為急進，攻門亦以遠射為主。完半場前，靚仔安永佳入禁區勁射僅被救出，港隊半場未能破門。
下半場港隊維持主動，用波亦更冷靜，兩閘茹子楠同梁冠聰多次嘗試上前傳中，球隊亦有從中路滲入，可惜久攻不下，安永佳同鄭兆聰嘅兩連炮只差一點點。倒反中國隊下半場唯一中目標嘅射門，就係譚龍嘅入球。入球前大佬同孫鉻謙先後兩下解圍省中對方，皮球剛好落到譚龍腳下，屬港隊不幸。譚龍果斷拗腰一射，突如其來嘅一針，足以見血，果斷嘅處理值得欣賞。雞蛋裡挑骨頭而言，孫銘謙可以選擇回傳俾門將陳嘉豪。
最終港隊強勢下惜敗一球，今屆東亞盃數據上未能做到零的突破。不過，正所謂數據只供參考，港隊今屆表現絕不失禮。安達臣麾下嘅港隊，已經突破咗一貫嘅死守踢法，從作客馬來西亞，到亞洲盃外圍賽，再到東亞盃，漸見進步。今場面對世界排名高過自己73名嘅中國隊，下半場形勢上有過之而無不及，值得鼓舞。希望嚟緊嘅亞洲盃，港隊中前場有更好嘅默契，再接再厲！
快啲Follow埋 IG page la!!
上半場早段，中國隊以邊路配合同角球，製造到較多機會。無可否認戴偉俊今場嘅串連，作用明顯，助中國幾次越過香港兩閘茹子楠同梁冠聰，從邊路滲入，好在兩位中堅謝家強同勞烈斯足夠專注，能及時阻止對方傳入心臟地帶。
面對對方角球攻勢，港隊兩次走漏對方而被攻門。不過，值得留意嘅係，港隊身高處於劣勢，就算夠人都未必夠頂。或者因為咁，所以安排茹子楠同梁冠聰兩人喺兩邊門柱護空門，寧願爭頂嘅入數減少，如早段大佬梁冠聰護空門嘅一球。
相比前場組織，中國隊後場組織力一般。上半場中後段港隊能夠壓住對方，並阻止反擊。七日內嘅第三場比賽，港隊較少輪換下仍能長時間維持強力壓迫，眾將值得掌聲。不過，港隊上半場進攻用波決定較為急進，攻門亦以遠射為主。完半場前，靚仔安永佳入禁區勁射僅被救出，港隊半場未能破門。
下半場港隊維持主動，用波亦更冷靜，兩閘茹子楠同梁冠聰多次嘗試上前傳中，球隊亦有從中路滲入，可惜久攻不下，安永佳同鄭兆聰嘅兩連炮只差一點點。倒反中國隊下半場唯一中目標嘅射門，就係譚龍嘅入球。入球前大佬同孫鉻謙先後兩下解圍省中對方，皮球剛好落到譚龍腳下，屬港隊不幸。譚龍果斷拗腰一射，突如其來嘅一針，足以見血，果斷嘅處理值得欣賞。雞蛋裡挑骨頭而言，孫銘謙可以選擇回傳俾門將陳嘉豪。
最終港隊強勢下惜敗一球，今屆東亞盃數據上未能做到零的突破。不過，正所謂數據只供參考，港隊今屆表現絕不失禮。安達臣麾下嘅港隊，已經突破咗一貫嘅死守踢法，從作客馬來西亞，到亞洲盃外圍賽，再到東亞盃，漸見進步。今場面對世界排名高過自己73名嘅中國隊，下半場形勢上有過之而無不及，值得鼓舞。希望嚟緊嘅亞洲盃，港隊中前場有更好嘅默契，再接再厲！
快啲Follow埋 IG page la!!
請按此登錄後留言。未成為會員? 立即註冊