勢破紀錄? 夏蘭特入球率已領先當年創造紀錄嘅美斯 但關鍵在後頭

loading

曼城神鋒夏蘭特繼上周曼市打吡連中三元後,琴晚去到歐聯延續強勢,再入兩球。
22歲之時,夏蘭特歐聯入球數字(32球)已超越多位昔日嘅頂級前鋒,包括雲佩斯、基斯普、蘇亞雷斯、李華度、希古恩、朗拿度、朗拿甸奴、費蘭度托利斯、朗尼…等等。

強勁嘅身體質素,加上一流嘅埋門意識同技術,配合迪布尼、簡些路、貝拿度施華等人才供應機會,令夏蘭特幾乎無人能擋。

今季布歐嘅表現,誇張程度令人回想昔日C朗同美斯年輕時嘅風光。論入球,美斯2011/12球季嘅表現最為驚人,當季入咗73球,若計2012年單年記錄,就係91球!

夏蘭特或可以以此為目標。此時此刻,佢喺英超出8場入14球,歐聯踢3場入5球。美斯喺2011/12球季,踢8場西甲入10球,踢3場歐聯後只入兩球。同階段嚟講,布歐有過之而無不及。
不過值得留意嘅係,美斯當年喺下半季先係最瘋狂,歐聯16強面對利華古遜,兩回合入6球(當中喺次回合五福臨門😮😮),兩回合之間,仲有場面對華倫西亞嘅聯賽,美斯上演大四喜!由當年2日19日舉行嘅第24輪西甲聯賽開始到煞科日,美球踢咗15場入27球,令最終佢以50球成績成為西甲神射手。
假如夏蘭特能全季維持呢個效率,就絕對有可能破到美斯嘅紀錄。相信今季嘅曼城,喺各條戰線都有力打到最後階段,問題在於夏蘭特能否避免受傷,並且維持狀態。

大家覺得,布歐今季/今年,會唔會破美斯當季/當年嘅入球紀錄?

希望大家多多支持!撳多幾個掣,俾多幾個鼓勵!(例如「訂閱」掣,同埋follow IG: @football_era_talking 觀看更多唔同嘅短文/資訊/睇波即時story分享)
loading

標籤: 美斯  夏蘭特  曼城  

留言


請按此登錄後留言。未成為會員? 立即註冊
  • 臭臭 於 07/10/2022 評論 NO. 1

    個人認爲存在追趕和破紀錄的可能;但當年的巴薩創造機會的能力與現今曼城在同檔次,而梅西與哈蘭德最大差異為梅西自己創造機會的能力更強

快捷鍵:←
快捷鍵:→