世界盃八強故事丨阿珍有驚無險 荷蘭靈光一閃

🇳🇱🇦🇷
今場比賽有如捉棋，上半場節奏頗慢。兩邊互相控球之下，阿根廷小泛圍配合較為突出，並以此打開紀錄。摩連拿入中路插前接應美斯極細緻劏傳射入⚽。
今場阿珍較少從左路衝擊對方，但左翼衛阿古拿偶然一次左路突破，便搏到鄧費斯犯規而得到十二碼，美斯冷靜操刀拉開紀錄⚽。

兩球在手嘅阿珍，望守住優勢，卻俾到機會荷蘭用高波轟炸。雲高爾一舉轉陣成442，將三位高佬，加寶、盧克迪莊同韋賀斯放於前方，針對阿珍嘅矮仔後防。老帥針對身高嘅部署奏效，形勢風雲突變，不久荷蘭便由韋賀斯炸入追近一球⚽。

下半場最後階段，阿珍準備慶祝之際，比斯拿一次手多多推人犯規，讓貝格候斯同韋賀斯靈機一觸，以短罰球「絕和」⚽。

荷蘭高還高，但唔得快。加時之中史卡朗尼，安排阿珍踢433大舉進攻，隨即壓倒對方。可惜狂轟濫炸，都無功而還。
到十二碼階段，輪到神龍伊美發威，連撲兩球。最後，由備受批評嘅拿達路馬天尼斯送阿珍入八強，可算一吐污氣，亦為一場峰迴路轉嘅比賽晝上句號。

阿珍晉級有驚無險
荷蘭將帥靈光一閃

高手過招，節奏、踢法、形勢，話變就變，兩隊喺燶烈嘅火藥味中冷靜處理皮球，亦值得欣賞。

最後仲要讚

荷蘭堅持不放棄👏
阿珍逆境不退避👏
美斯表現仍然美😍
球迷觀眾難忘記🇦🇷🇳🇱
波…係圓嘅🔵⚪


希望大家多多支持！撳多幾個掣，俾多幾個鼓勵！(例如「訂閱」掣，同埋follow IG: @football_era_talking 觀看唔同短文/資訊/睇波即時story分享)