〔英超: 車路士 1-1 曼聯 賽後文章〕C朗擔任後備起碼係合理 車仔左路欠缺支援亦欠缺「大前鋒」

英超第13輪嘅焦點大戰,車路士主場迎戰曼聯,最終各一言和。
👹曼聯防守有改善
今場係卡域克作為臨時領隊所帶領嘅第二場比賽,同時係第一場英超比賽。面對榜首嘅車路士,卡域克今場安排球隊以4312陣型應戰,其中喺中場線一如以往安排了麥湯費特正選,兩人主要幫補邊路,抵擋車仔強勁嘅邊路攻勢。唔同嘅係,今仗有馬迪鎮守中路,能釋放麥湯費特向前方同邊路擴張,球隊向前壓迫時,填補中前場嘅空檔,收縮時更加能保護禁區頂位置。球隊防守效果比之前改善,尤其右路防守嘅麥湯同雲比沙卡大部份時間能阻止對方左路嘅奧度爾同阿朗素推進。唯獨個別失誤導致危險,例如般奴喺後場向中間橫傳被對方截到並製造機會。

👹C朗擔任後備
今場比賽卡域克安排C朗擔任後備,引來唔少爭議,包括《天室體育》直播室之中堅尼同加歷查嘅爭論。

今場曼聯大部份時間收縮,只有34.3%控球比率,球隊向前供應次數較少時,C朗發揮頭頂腳踢能力嘅機會的確較少。另外,C朗經歷頻密嘅賽程,近期時有疲態,卡域克或因此先收起C朗。

今場可見辛祖同拉舒福特,提供了唔錯嘅活力,向前壓迫時力度足夠,收縮時亦偶有回後幫手,下半場辛祖更把握了佐真奴控球失誤而入波。難以判斷卡域克嘅呢個安排有否令球隊發揮更好,但起碼係合理嘅。
👹進攻可以更銳利
曼聯前場三人組合拉舒福特、辛祖同般奴之中,引領反擊嘅般奴速度相對慢。若果反擊交由辛祖引領,安排C朗或格連活向前衝擊,或會更加銳利。

🦁車仔左路欠缺支援亦欠缺「大前鋒」
杜曹收起了盧卡古同曼治,今場車仔由施耶治擔任引領攻勢嘅角色。施耶治主要喺右邊活動,球隊左路欠缺支援,可見曼治嘅連接效果始終無可替代。今場車仔箭頭由雲拿擔任,雲拿擅長衝擊,大部份時間面對密集之下,「大前鋒」盧卡古打正選箭頭,類型上會更適合。杜曹未有安排盧卡古同曼治打正選,或表示兩人狀態尚未回復。左路缺少支援,加上欠缺盧卡古嘅支點同高空優勢之下,今場車仔只能靠雲比沙卡失誤犯規而來嘅十二碼追平,佐真奴將功補過,最終兩隊以 1-1握手言和。

如果喜歡我們的文章,請即分享到︰

標籤: 英超  曼聯  卡域克  辛祖  拉舒福特  C朗  車路士  杜曹  施耶治  曼治  

留言


請按此登錄後留言。未成為會員? 立即註冊
    快捷鍵:←
    快捷鍵:→