〔英超短評 : 熱刺 0-3 車路士〕熱刺雖有傷兵問題 但仍有體能優勢 車路士有簡迪入替 扭轉局勢

英超倫敦打吡,熱刺於主場以0-3不敵車路士。

熱刺有體能優勢
熱刺雖然出現傷兵問題,但今場打吡卻係有體能優勢嘅一方。對比上一場比賽,熱刺應付較易打嘅歐協聯,有較多輪換,今場正選陣容有 8個人員調整,而打完歐聯嘅車仔,只有兩個。因此,上半場熱刺較為主動,車路士受壓之下以防反為主。

盧施素能成前線替工
熱刺8個調整之中,部分受傷兵問題所迫,例如盧施素需要擔任「右翼」,因為需要留拜仁基爾作後備衝突點,於下半場入替保持速度同牽制力。不過,盧施素除有助球隊中場對抗,亦與簡尼同老孫串連效果良好,還能把握時機插入禁區,於進攻人手不足下能成為替工人選。不過,熱刺上半場雖然有優勢,但始終未能攻破車路士嘅五人防線。

簡迪入替 扭轉局勢
上半場受壓之下,杜曹半場以簡迪入替曼治,球隊中場抗衡力大大提高。簡迪上場歐聯比賽休息,儲存了唔少體力。簡迪一出場,局面隨即被扭轉。車仔處於優勢下,49分鐘嘅角球攻勢,堤亞高施華頭鎚入波打開記錄。

簡迪除體能同戰術作用外,亦帶來運氣。57分鐘簡迪一次遠射,皮球省中迪亞彈入死角,車仔領先兩球。此時,紐奴未及調動,便落後到兩球,接近無計可施,只能換入拜仁基爾,盡力一搏,但無功反還。而車仔亦有換入添姆雲拿,保持速度同牽制力,可惜雲拿接應盧卡古傳直線嘅半單刀機會中又一次失機,但尾段助攻魯丁加再入一球,總算立功。最後,車仔以 0-3 擊敗熱刺。

如果喜歡我們的文章,請即分享到︰

標籤: 英超  熱刺  車路士  盧施素  簡迪  雲拿  杜曹  紐奴  基爾  簡尼  

留言


請按此登錄後留言。未成為會員? 立即註冊
    快捷鍵:←
    快捷鍵:→