自從出完第一講，係Facebook留意到有巴打開玩笑咁留言，話不如用楊格同巴爾黎比丫。
好！你地講得出我做得到。只要你地將想睇既Topic send去世界球壇俱樂部既Facebook，我就開始寫！
廢話少講，入正題。
今日要討論既楊格同巴爾，相信大家都唔會陌生。佢地既討論價值係邊到呢？好簡單。遭遇。
巴爾既故事大家都好清楚，1999年，10歲既巴爾加入左修咸頓既青訓系統，開始左佢既足球生涯。06年被提拔上一隊，出道既時候踢左閘既佢好快就比熱剌睇中左，呢位威爾斯既明日之星就以七百萬鎊既轉會費去到白鹿徑。
係熱刺度過既6個年頭，巴爾為熱刺上陣142場攻入左42球。當中不乏遠至三十五碼既罰球同為數不少既精彩靚波。
https://www.youtube.com/watch?v=EAcP1gxNQZw(https://www.youtube.com/watch?v=EAcP1gxNQZw)
https://youtu.be/sKUWejwpKfw?t=30(https://youtu.be/sKUWejwpKfw?t=30)
係熱刺打響左名堂，自然引黎皇馬既青睞。2013年巴爾以七千七百萬鎊高價加盟銀河鑑隊。雖然算唔上係一帆風順，但仍偶有佳作。
https://www.youtube.com/watch?v=11JPa0lkYOY(https://www.youtube.com/watch?v=11JPa0lkYOY)
咁至於楊格又點樣呢？
對於楊格，好多球迷只係記得佢食雀屎，球齡老小小既可能會記得佢係阿士東維拉有過唔錯既表現。
2000年，15歲既楊格加入屈福特既青年軍，3年後成年之時本來屈福特唔諗住將佢升上一隊架喇，但佢用拼勁黎證明自己有咁既潛力，最終打動球會比佢升上一隊。
當時係英冠打滾既屈福特，楊格首季只能後備上陣五場，但仍然可以攻入三球。其中一個仲要係處子入球黎架添。
04/05球季楊格總算係球隊站穩陣腳，為球隊上陣34場，儘管顆粒無收，但仍然成為左屈福特既年度最佳新人。 當季順利令屈福特留係英冠。05/06球季，楊格為球會上陣41場，攻入15球。帶領屈福特升上英超。
07年既冬季，楊格以破球會紀錄既八百萬鎊轉會費(浮動條款至九百七十五萬鎊)加盟阿士東維拉，再次係處子戰攻入處子入球。
下個球季楊格更加以17個助攻排係法比加斯之後，成為英超助攻榜既第二人。
係維拉踢得風生水起既佢係10/11球季仲成為左球隊既副隊長。隨著合約剩低一年，係佢未確定會同球會續約既時候，係利物浦同曼聯之中，曼聯搶贏左呢位26歲既英格蘭翼鋒。
https://www.youtube.com/watch?v=wd3nXZQtJn0(https://www.youtube.com/watch?v=wd3nXZQtJn0)
跟住既故事大家都好清楚，係曼聯既第一季踢得唔差既佢，第二季開始就表現跌watt，被球員叫做進攻終結者。
至到14年意外係比賽期間吞左鳥屎，表現完全脫胎換骨。以30歲之齡擔起曼聯既邊路進攻，確實唔話得。
而事實上，佢同巴爾既分別係在於，一個一帆風順，由青訓球會加盟一線球會，再去轉戰國外既頂級球會。另一個就差小小就連青訓球會既一隊都升唔上去，最終大器晚成，擔起英格蘭頂級球會既半邊進攻。
事實證明，即使你唔係才華橫溢、即使你唔係一路順風，但只要有自己堅持要行既路，成功終有一日會降臨係你既身上。
儘管大家會恥笑楊格係＿羊，係廢柴。但係我心目中，同其他出身低組別聯賽既球員一樣，佢永遠都係我心中既紳士。
如需轉載，請列明出處。
本文亦刊於 這裡https://footballdreamforever.wordpress.com/
請按此登錄後留言。未成為會員? 立即註冊