第一講：談快馬：洛賓與華倫西亞 精選 推薦

現年31歲既洛賓，無可否認係當今世上其中一個攻力最強橫既翼鋒，單係推大位射門呢招都足以令防守球員招架唔住。
現年30歲既華倫西亞，經常比球迷戲稱「華一招」，但到底點解就算只係得「一招」既佢，都仍然能夠係曼聯立足？

日前同朋友討論到華倫西亞與洛賓之間既比較，大家常用既套路都係爆邊，佢地既對手同樣係頂級既防守球員，但何解偏偏守唔住佢兩個呢？

原因係因為，佢地實在太快。我地先黎睇下華倫西亞請對方後衛食塵既經典之作。

2012年曼聯對利物浦既比賽入面，係一次利物浦比人拍甩左個波既時候，可以見到華倫西亞以極高速係兩個紅衫之間爆過，順勢推到落禁區添！https://youtu.be/3zb8oXMGlb0(https://youtu.be/3zb8oXMGlb0)
然後係今年10月份既國際賽期間，厄瓜多爾既一次反擊入面更加見到華西爆邊既速度，就連阿根廷既後衛根本就埋唔到身。
https://www.youtube.com/watch?v=GGn4q49cANo&feature=youtu.be(https://www.youtube.com/watch?v=GGn4q49cANo&feature=youtu.be)
咁至於洛賓又點樣呢？
https://www.youtube.com/watch?v=JpXBV0le1Y0&feature=youtu.be(https://www.youtube.com/watch?v=JpXBV0le1Y0&feature=youtu.be)
單單2015年既球王片就可以見到以洛賓既速度，一推大位，防守球員既腳步根本就唔能夠跟得上佢既步伐，最終當然係換黎一個又一個既失波啦。

佢地成功既地方就在於佢地既速度，已經接近極致。球場上其實仲有好多唔同既例子架，就好似巴爾傳比三秒後既自己 (巴爾 vs 馬斯巴查)，又或者佢熱刺年代爆過馬干等等都可以睇得出，只要你某項特質趨向極端，你就可以成為一個行業入面既佼佼者。後話：足球作為一項競技，極端化固然能帶黎成果。但點解係日常生活，「極端」呢個字就會帶有貶義呢？點解華夏文化會提倡「中庸」呢？

係因為生活，本來就唔應該屬於競技既範疇。「極端」會為身邊既人帶黎不快或造成不便。儘管趨向極端可以令自己達到目標，但做人，係咪只係要達到目標咁簡單？
延伸：怪獸家長想子女贏在起跑線，係想子女贏哂全世界既起跑線上面，一路補習一路做練習，呢個係咪極端既表現？

恐怖組織為左宣揚教義，要滅絕其他既宗教，咁極端，大家都唔會容忍。

生活，同競技，真係爭好遠。



如需轉載，請列明出處。
本文亦刊於 這裡https://footballdreamforever.wordpress.com/