利物浦中止曼城22場不敗 — 賽後小總結

足球基地 於 15/01/2018 發表 收藏文章
英超第23輪中,利物浦主場對戰曼城。曼城終嘗一敗,結束22場聯賽不敗。利物浦於68分鐘領先4比1之下,被曼城險被追和,最後4比3完場。以下有7點為賽事嘅小總結。

1. 張伯倫能夠證明自己價值
張伯倫今季離開效力6季嘅阿仙奴之後,轉會至利物浦,希望除左有更多上陣機會之外,更希望可以踢中場中,總好過於阿仙奴被投閒置散。張伯倫於今場比賽第9分鐘時,於禁區頂一遠射使利物浦於早段領先,而佢今場亦打破過往於英超單季入球紀錄,佢今季已經為球隊於英超射入3球。今場佢以高水準表現牽制曼城左路進攻,係利物浦進攻時,亦不時上前衢入禁區及拉邊。此場比賽絕對為張伯倫證明自己值得出現於利物浦嘅正選位置。

2. 利物浦可以暫時忘記古天奴
利物浦嘅「神奇四俠」已經解散 (費明奴、古天奴、文尼、沙拿) ,但今場比賽似乎並無受古天奴離隊影響。比賽中,沙拿及張伯倫嘅配合使曼城後防疲於奔命,而文尼繼續以靈活走位及技術撕開曼城後防,並製造空間予費明奴發揮。基達已經確認唔會於一月加盟,使球迷擔心失去古天奴嘅影響,但此仗令球迷可以暫時放心,亦希望此4子能夠保持狀態。

3. 辛尼持續交出表現
辛尼於比賽中入一球,令曼城可以於半場前扳平,雖然最後都無補於事。但辛尼持續高水準嘅表現,令佢成為現時第2位可以於英超同時擁有「雙7」紀錄,辛尼今季已經於英超有7個入球及9個助攻,令一位球員為李斯特城嘅馬列斯,擁有7入球7助攻。曼城於各於賽事中,有22個入球都與辛尼有關,當中辛尼有10個入球與12個助攻。

4. 曼城左閘問題顯現
今季曼城以5000萬鎊文迪,但踢過幾場比賽之後就受韌帶傷患所影響,至今都未完全康復。哥迪奧拿曾經放上丹尼路代替,但表現稱不上合格。而之後哥帥就放上原本踢中場嘅戴夫踢左閘,結果效果比預期理想並沿用至今。但今場遇上張伯倫及沙拿,戴夫節奏跟不上並受傷,其後換上丹尼路,最後曼城後防左邊弱點完整地暴露。或許今場比賽驅使哥帥買下一位左閘以補充陣容不足。

5. 羅拔臣成大器?
今季羅拔臣只為利物浦上陣過10場,而今場表現或能夠打動高普,成為常規正選左閘。今場面對史達寧,羅拔臣完全地牽制史達寧,亦顯示出其鬥心極旺盛,佢出色嘅表現,封阻了曼城右路進攻。佢今場攔截果斷,亦無法令史達寧轉身或盤球到底線,可惜隊友於最後階段「唔爭氣」,失多2球。

6. 洛夫繼續成為利物浦後防炸彈
今場洛夫雲於尾段表現一定使利物浦球迷撳爛平安鐘。完完全全係一個計時炸彈。第2個失球中,洛夫雲其實可以不用衝前攔截阿古路,因為已經有馬迪普攔截,雖然兩個中堅都有錯,但洛夫雲應該要堅守位置,不要使羅拔臣一打二。第3個失球絕對係洛夫雲犯嘅致命失誤,頂漏高空波使根度簡頂入。打左大半場好波,以兩個致命使誤,使球隊陷入險境,幸好涯得過,否則又成為眾矢之的。

7. 雲加最開心!
曼城22場不敗打破,使雲加於03-04年帶領阿仙奴以「不敗之身」贏得英超嘅紀錄,於今季已經無可能打破。不過雲加近況不太好,先輸諾定咸森林,後和車路士,再輸般尼矛夫,更好大機會於冬天轉會窗中失去山齊士及奧斯爾兩大將。應該唔會因此小事而開心吧?
標籤: 曼城  利物浦  

留言


請按此登錄後留言。未成為會員? 立即註冊
  • Siu Leung Mui 於 15/01/2018 評論 NO. 1

    張伯倫製造空氣比費明奴,費明奴缺氧呀!

  • sunny014 於 15/01/2018 評論 NO. 2

    請留意錯字錯文法

  • wombat 於 16/01/2018 評論 NO. 3

    羅拔臣無庸置疑好過魔蘭奴。 防守意識及能力係做後防嘅首要條件,助攻能力強係bonus。
    而家只差佳尼復出同換新龍

快捷鍵:←
快捷鍵:→