轉會窗關閉,英超將可能會發生甚麼大牌交易?

足球基地 於 31/08/2017 發表 收藏文章
轉會窗仲有不足一日就關閉,究竟可能會有咩壓哨交易出現呢?

雲迪積克(修咸頓至 利物浦/車路士/阿仙奴)
車路士同阿仙奴狹路相逢,再次爭買球員。雖然利物浦早前被修咸頓警告,切勿私下找雲迪積克談判,而利物浦亦都作出道歉,但始乎高普仍未心息,想買下此子。不過順帶一提,雲積克先於5月時與修咸頓續6年約。

山齊士(阿仙奴至曼城)
山齊士的合約將會在10個月後完結,但阿仙奴希望山齊士可以留多一季,之後可以免費轉會至其他球會。而曼城對山齊士就誠意拳拳,甚至以史達寧或阿古路加轉會費,以換取山齊士,不過當然哥迪奧拿希望3位球員都在陣中。有傳山齊士於星期一已經向球會遞交轉會申請,不過依然有機會可以轉會。

迪亞高哥斯達(車路士至馬體會)
哥斯達係季後指車路士對佢猶如「監禁」一樣,確實係唔係就無人知,不過可以肯定一件事就係哥斯達係車路士嘅生涯已經完結。早前就傳會轉會至中超球隊,但中超轉會窗已經關閉,哥斯達無可能於現時轉戰中超。令一個說法就返回馬體會,可惜受轉會禁令所限,無法簽球員,至快都要於1月解除禁令才可以轉會馬體會。
馬體會有傳將會先租借哥斯達半季,之後可以以4100萬歐元買入哥斯達。

巴克利(愛華頓至車路士/熱刺)
巴克利於上季季尾已經與熱刺扯上關係,而七月尾時愛華頓領隊朗奴高文指巴克利100%會離隊,使巴克利加盟熱刺嘅消息再次熾熱起來。而熱刺嘅競爭對手係同市嘅車路士。唯一疑慮就係巴克利嘅鼠蹊傷患使交易拉倒。

梅斯達菲(阿仙奴至國際米蘭)
梅斯達菲於上季由華倫西亞加盟阿仙奴,上季表現普通,狀態漂忽不定,不能夠得到雲加嘅信任。而國際米蘭有興趣以先租後買嘅方式得到梅斯達菲。

利馬(摩納哥至利物浦)
(上圖為利馬,非史杜列治,不過真係好似)
摩納哥今季成為超市,賣走大部份主力,更有傳將麥巴比租借給敵人巴黎聖日耳門。早於一個月前,阿仙奴已經有意買入利馬,但之後並無進一步消息。反而利物浦其後有意買入,利物浦希望以7500萬再加奧列治買入利馬。

張伯倫(阿仙奴至利物浦)
張伯倫早前非常接近轉會車路士,但其後改變主意加盟利物浦,因為考慮到踢嘅位置。干地會希望張伯倫踢右翼衛,而高普希望佢踢中場(雖然已經有軒達臣、韋拿度姆同安美利簡),張伯倫就傾向希望踢中場。而轉會費為4000萬鎊,同時紅軍會給予12萬鎊週薪,但比起車路士給予嘅22萬週薪少。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • 閒雲野鶴 於 31/08/2017 評論 NO. 1

    我反而想知啲冗員究竟有幾多個可以成功畀球會清洗!

  • tinchi3721 於 31/08/2017 評論 NO. 2

    竟然冇曼聯 摩佬說好的第4人呢?

  • 閒雲野鶴 於 31/08/2017 評論 NO. 3

    第四人唔係伊巴謙莫域咩?

  • Oscarlht 於 31/08/2017 評論 NO. 4

    車路士又係panic buy

  • Peelala 於 31/08/2017 評論 NO. 5

    上季表現普通,狀態漂忽不定用嚟形容梅斯達菲真係好笑,尤其對比佢啲隊友

  • PeterLi2017 於 31/08/2017 評論 NO. 6

    傳聞阿仙奴92M買Lemar

  • 閒雲野鶴 於 01/09/2017 評論 NO. 7

    莫非沙皮真係諗住畀車仔罰錢罰到一月轉會窗😨

快捷鍵:←
快捷鍵:→