朗奴高文: 巴克利今季100%會離開愛華頓

愛華頓英格蘭中場巴克利做完手術治療鼠蹊傷患，現正進行休養，亦肯定無法於季初復出。
而領隊朗奴高文就回應記者提問
「今季巴克利100%會離開愛華頓。現有情況就唔複雜，當初愛華頓曾經為巴克利提供新合約，但巴克利就同我講佢想要新挑戰，因此拒絕續約。呢個係佢個人決定，我必須尊重佢，我地拭目以待，因為現今都未收到任何球會報購。」
佢就補充其他轉會事宜
「我就唔係到開名想收購邊個球員，實在有太多轉會傳聞。但我認為至少要買多一個中堅同前鋒，因為中堅摩利要休息9個月，同我地失去左盧卡古，雖然我地買左拉美利斯(Sandro Ramírez)，但我地都積極地希望可以簽多一位前鋒。」


今季愛華頓已經購入5名球員，當中卡拉臣同朗尼都可以代替巴克利位置，更傳愛華頓有再下一城，簽下史雲斯嘅斯古臣。
而有傳熱刺、車路士、水昌宮、李斯特城同AC米蘭都有意收購呢位英格蘭人。