曼聯敗陣曼城,總結曼市打吡

足球基地 於 11/12/2017 發表 收藏文章
「泊大巴」,絕對係摩連奴係大賽最鍾意用嘅戰術,連歌仔都有得唱。但可惜今次唱而首歌嘅,係曼城球迷,雖然係賽前唱,但賽後想起,必等於於曼聯球迷嘅傷口上灑鹽。
https://youtu.be/HjziucjREJo

1. 求和不求勝
明顯地,摩連奴今次於曼市打吡嘅「泊大巴」戰術係失敗(雖然某程度上都歸咎於盧卡古嘅致命失誤)。我明白,摩連奴一向都喜歡使用簡單同偏向務實嘅打法,但都未至於一成不變。從一開場,就可以看見到摩連奴嘅排陣係—無野心、無創意同「獨孤一味」。係被入第一波之後,節奏稍為加快,但長期都集中於防守,最後只靠戴夫嘅失誤令拉舒福特可以追平,其後又係盧卡古嘅解圍失誤助奧達文達入球。如果摩連奴想全取三分,應該要做戰術調整,使全取三分嘅可能性最大化,而唔係將落敗嘅可能性最少化。可惜,最後係失敗。

2. 曼城離冠軍近一大步
首先,曼城於賽前於聯賽不敗,更係13連勝,與排第2嘅曼聯差距8分。賽後就以破英超紀錄嘅14連勝,與曼聯拉開11分,對奪取聯賽冠軍有極大優勢。本來,曼聯無普巴,仲有幾個快翼,都依然可以威脅曼城,但可惜最後事與願違。由此可見,曼城整隊球隊受壓嘅力能高,即使面對曼聯具威脅性嘅快速反攻,亦都可以應對自如。現時除了曼聯,英超仲有哪一隊可以使曼城失分? 阿仙奴? 車路士?利物浦?三隊都係曼城手下敗將,剩下來嘅,就只可能係熱刺。

3. 哥迪奧拿終於物色到適合嘅門將
艾達臣絕對係今場嘅無名英雄,於比賽嘅未段撲出盧卡古及馬達嘅射門,令曼城可以全取3分。回想上年夏天,哥迪奧拿簽入巴禾,但表現如黃大仙一樣,「有求必應」。而艾達臣於今場比賽終於證明自己,可以成為正選門將,因為佢風格與技術都貼合哥迪奧拿使要求,亦都不斷增加信心。


如果喜歡我們的文章,請即分享到︰

標籤: 曼聯  打吡  曼城  

留言


請按此登錄後留言。未成為會員? 立即註冊
  • ray947994 於 11/12/2017 評論 NO. 1

    馬後砲,成世都未必穩到人地一個月人工系到講出邊個應該用咩戰術,輸左未再黎過,個領隊用佢套戰術排緊第二

  • saltfish 於 11/12/2017 評論 NO. 2

    打和最啱數,尾段曼城85分開始鐘帶個波去角球旗。

  • 單身狗 於 11/12/2017 評論 NO. 3

    摩佬只想延長主場不敗紀錄,名留青史,奪冠?順其自然吧

  • wombat 於 11/12/2017 評論 NO. 4

    一開始睇排盡我完全唔覺得佢想守喎,不過估唔到佢用強攻陣打守勢波。

    和波對曼城no harm,反而曼聯想奪冠就一定要贏。但場波就睇到曼城真係有王者氣勢

  • ryan123hk 於 11/12/2017 評論 NO. 5

    我肯定作者連咩叫足球都唔知

  • wombat 於 12/12/2017 評論 NO. 6

    失果兩球完全冇怪盧卡古,佢已經好勤力返來回防, 咁樣助攻只係意外。 反而係曼城都唔係打高空波,摩佬有冇需要叫個正前鋒成日返來協助回防。 到打反擊嗰時又冇人, 咁不如出鍾斯好過啦

快捷鍵:←
快捷鍵:→