曼市打吡數據對對碰及等待打破的紀錄

足球基地 於 10/12/2017 發表 收藏文章
星期一凌晨12點30分,英超第16輪中,將會上演曼市打吡。呢場打吡除左係分數上有好大影響,打吡中仲有一些紀錄等待打破及一些數據可以參考一下。

曼城攻擊力 VS 曼聯防守力
今季曼城已經於英超攻入46球,目前為止係英超最多,上季排第11嘅韋斯咸整季都只係入47球,曼城未到半季就錄到46個入球,實在驚人。球隊中阿古路及史達寧以入9球成為最多入球者,而施華及迪布尼就以每人8個助攻成為球隊最多助攻球員。
曼聯方面,曼聯今季於英超只係被入過9球,目前於英超為最少失球嘅球隊。曼聯於英超使用過4場3後衛陣式,總共過4球,而使過11場嘅4後衛陣式,總共5個失球。中堅固然重要,但其實曼聯防守亦都非常依靠馬迪嘅表現,佢已經於週中對莫斯科中央陸軍時得到休息,養精蓄銳對戰曼城。
曼城勝利記錄 VS 曼聯主場不敗
曼城係15場英超中,已經贏出當中嘅14場,只有一和,當時對陣得到和波嘅球隊係係降班區邊緣嘅愛華頓。如果曼城今場係奧脫福勝利,將會成為於頭16場英超贏得最多嘅球隊。
曼聯方面,曼聯已經係奧脫福連續41場不敗,追溯到上一次於奧脫福落敗,已經係上季9月,而當時正正就係輸比曼城。如果曼聯今次打吡中得到不敗的話,將會打破球會紀錄,成為於主場最長嘅不敗記錄。

摩連奴 VS 哥迪奧拿
今次曼市打吡就會係摩連奴同哥迪奧拿嘅第20次交手,以前就係西甲嘅國家打吡,而今次就係曼市嘅打吡。係對上19次交手,哥迪奧拿就贏過9次,摩連奴就贏過4場。
迪布尼 VS 迪基亞
迪布尼自15/16球季加盟曼城之後,已經為曼城於英超貢獻過35球助攻,由加盟曼城一刻到目前為止,迪布尼係歐洲5大聯賽中嘅最多助攻球員。
而迪基亞係上星期對戰阿仙奴時,作出14個撲救,破英超單場撲球紀錄。迪基亞對上4次於英超對戰曼城時,當中有3場都係保持0失球。

如果喜歡我們的文章,請即分享到︰

標籤: 曼市打吡  曼聯  曼城  

留言


請按此登錄後留言。未成為會員? 立即註冊
    快捷鍵:←
    快捷鍵:→